ৰাজা ৰঘুবংশী নহয়, ৰাজ আছিল প্ৰেমিক, সেয়ে সোনমে পৰিকল্পনা কৰিছিল মেঘালয় হানিমুন
মেঘালয়ত হানিমুনৰ বাবে আহি সন্ধান হোৱা উত্তৰ প্ৰদেশৰ ইন্দোৰৰ নৱবিবাহিত দম্পতী ৰাজা ৰঘুবংশী আৰু সোণম ৰঘুবংশীৰ ঘটনাই সমগ্ৰ দেশতে তোলপাৰ লগাইছিল। আজি ৯ জুন তাৰিখে সেই ঘটনাৰেই চাঞ্চল্যকৰ তথ্য প্ৰকাশ পাইছে। ১৭ দিনৰ পাছত সন্ধান ওলাইছে পত্নী সোনমৰ।
যিয়ে সকলোকে স্তম্ভিত কৰি তুলিছে। মেঘালয় আৰক্ষীয়ে জনোৱা মতে, সোণম ৰঘুবংশীয়ে স্বামী ৰাজাক হত্যা কৰাৰ ষড়যন্ত্ৰ ৰচনা কৰিছিল। অভিযোগ অনুসৰি, হানিমুনৰ সময়ত স্বামী ৰাজাক হত্যা কৰিবলৈ মধ্যপ্ৰদেশৰ পৰা ৩ জন লোকক নিযুক্তি দিছিল।
আৰক্ষী সূত্ৰৰ পৰা জানিব পৰা মতে, সোণম ৰঘুবংশীক জেৰাৰ সময়ত ৰাজ কুশৱাহা নামৰ এজন যুৱকৰ সৈতে প্ৰেমৰ সম্পৰ্ক থকাৰ কথা পোহৰলৈ আহে। এই ষড়যন্ত্ৰত ৰাজ কুশৱাহাও জড়িত হৈ আছে। আৰক্ষীয়েও ৰাজকো গ্ৰেপ্তাৰ কৰিছে।
আৰক্ষীৰ তদন্তত প্ৰকাশ পাইছে যে ৰাজ কুশৱাহাও মধ্যপ্ৰদেশৰ। আৰক্ষীৰ মতে, এই হত্যাকাণ্ডৰ মাষ্টাৰমাইণ্ড প্ৰেমিক ৰাজেই । দুয়ো মিলি মেঘালয়ত হানিমুনৰ সময়ত ৰাজাক হত্যা কৰিছিল।
ইয়াৰ পিছতে প্ৰেমিক ৰাজ কুশৱাহাক লৈ সোণম পলাই যায়। পলাই গৈ গাজীপুৰ পায়। গাজীপুৰৰ পৰাই ৯ জুনৰ মাজ নিশা মাতৃক ফোন কৰি নিজৰ উপস্থিতিৰ কথা কয়। তাৰেই পৰাই আৰক্ষীয়ে সোনমক আটক কৰে।
মেঘালয়ৰ ডিজিপিয়ে এএনআইক জনোৱা মতে, ৩ জন লোকক গ্ৰেপ্তাৰ কৰাৰ বিপৰীতে আত্মসমৰ্পণ কৰা মহিলাগৰাকীক ৰাজা ৰঘুবংশীৰ পত্নী সোণম বুলি চিনাক্ত কৰা হৈছে। সোণমক ধৰা পৰাৰ পিছত আৰক্ষী বিষয়াই প্ৰাৰম্ভিক চিকিৎসাৰ বাবে সদৰ চিকিৎসালয়লৈ প্ৰেৰণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
