অসম লাইভ ২৪ঃ ভাৰত-চীনৰ সংঘর্ষত ২০ জন ভাৰতীয় সেনাৰ মৃত্যুৰ পাছত চীনা সামগ্ৰী বর্জনৰ দাবীত সমগ্ৰ দেশ উত্তাল হৈ আছে। বর্জন কৰা হৈছে চীনা সামগ্ৰী। নিষিদ্ধ কৰা হ’ল চীনা এপ। এনে সময়তে বলীউডৰ তাৰকা কার্তিক আৰিয়ান চামিল হ’ল চীনা সামগ্ৰী বর্জন আন্দোলনত। বিগত বহু বছৰ ধৰি চীনা মোবাইল কোম্পানী Oppoৰ ব্ৰেণ্ড এম্বেচাদৰ আছিল কার্তিক আৰিয়ান। সংবাদসূত্ৰ অনুসৰি কার্তিক আৰিয়ানে Oppo কোম্পানীৰ লগত কোটি টকাৰ বিজ্ঞাপনৰ চুক্তি বাতিল কৰিছে। ভাৰত-চীন সম্পর্কৰ অৱনতি আৰু সীমান্তত শ্বহীদ ভাৰতীয় সেনাৰ প্ৰতি সন্মান জনাই এই সিদ্ধান্ত গ্ৰহণ কৰিছে কার্তিকে। বিগত ১৮ জুনত কনফেডাৰেচন অব অল ইণ্ডিয়া ট্ৰেডার্ছলৈ চিঠি লিখি চীনা সামগ্ৰীৰ প্ৰচাৰ বন্ধ কৰিবলৈ আবেদন জনাইছিল কার্তিক আৰিয়ানে। আৰু সেই আবেদনৰ পাছতে আৰিয়ানে গ্ৰহণ কৰিছে এই সিদ্ধান্ত। এই বিষয়টো সন্দর্ভত আনুষ্ঠানিকভাৱে কোনো কথা নক’লেও অভিনেতাগৰাকীয়ে ইনষ্টাগ্ৰামত তেওঁৰ সিদ্ধান্তৰ বিষয়ে এক পোষ্ট দিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
