কাঠমাণ্ডুত ভয়ংকৰ বিমান দুৰ্ঘটনা, এই পৰ্যন্ত ১৩ নিহত, মৃতকৰ সংখ্যা অধিক বৃদ্ধি পোৱাৰ আশংকা
নেপালত সংঘটিত হৈছে এক বৃহৎ অঘটন। নেপালৰ ৰাজধানী কাঠমাণ্ডুত দুৰ্ঘটনাগ্ৰস্ত হয় এখন বিমান। সূৰ্য এয়াৰ লাইনছ নামৰ এটা ব্যক্তিগত খণ্ডৰ বিমান দুৰ্ঘটনাগ্ৰস্থ। এই পৰ্যন্ত ১৩ জন লোকে দুৰ্ঘটনাটো প্ৰাণ হেৰুওৱা বুজি জানিব পৰা গৈছে।
জানিব পৰা মতে, সূৰ্য্য এয়াৰলাইন্সৰ এই বিমানখনত যাত্ৰাৰ সময়ত ১৯ জন লোক আছিল। এই পৰ্যন্ত ১৩ জন লোকৰ মৃত্যু হোৱাৰ খবৰ পোৱা গৈছে। ত্ৰিভুৱন আন্তঃৰাষ্ট্ৰীয় বিমানবন্দৰত উৰা মাৰিবলৈ লওতে এই বিমানখন দুৰ্ঘটনাত পতিত হৈ অগ্নিকাণ্ড সংঘটিত হয়। আজি পুৱা ১১ মান বজাত এই ঘটনা সংঘটিত হৈছে।
https://x.com/abhishekjha157/status/1815991457053921362
বৰ্তমান সময়ত উদ্ধাৰৰ কামৰ বাবে সেই স্থানত উদ্ধাৰকাৰী দল উপস্থিত থাকে। এই বিমান দুৰ্ঘটনাত বহুতৰে মৃত্যু হোৱাৰ আশংকা। এই বিমানখন কাঠমাণ্ডুৰ পৰা পোখাৰালৈ উৰা মাৰিছিল। উৰা মৰাৰ পাছতে দুৰ্ঘটনাটোৰ পিছতে বিমানখনত ব্যাপক অগ্নিকাণ্ড সংঘটিত হয়।
নেপাল চৰকাৰে সাহায্য আৰু উদ্ধাৰ কামৰ বাবে সেই স্থানলৈ সেনা জোৱান প্ৰেৰণ কৰিছে। চিকিৎসা আৰু সেনা জোৱানৰ দল সাহায্য আৰু উদ্ধাৰৰ কামত নিয়োজিত হৈ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
