অসম লাইভ২৪ঃ বলীউডৰ হট ডিভা পুনম পাণ্ডে। বেছ কিছু হিন্দী ছবিত কাম কৰিছে পুনমে। বল্ড অৱতাৰেৰে ডাঙৰ পৰ্দাত কামো কৰিছে পুনমে। অৱশ্যে ৰূপালী পৰ্দাৰ পৰা নিজকে কিছুসময় ধৰি আঁতৰাই ৰাখিছিল পুনমে। ৰূপালী পৰ্দাৰ পৰা আঁতৰি থাকিলেও সামাজিক মাধ্যমত খুবেই সক্ৰিয় হৈ আছিল পুনম। দৈনিক ৰীল বনোৱাকে ধৰি বিভিন্ন ভিডিঅ’ শ্বেয়াৰ কৰি আহিছিল। কিন্তু ১ ফেব্ৰুৱাৰীত সকলো শেষ। অভিনেত্ৰীগৰাকীৰ মেনেজাৰে পুনমৰ ইনষ্টাগ্ৰাম প্রফাইলত এই মৃত্যু সংবাদ নিশ্চিত কৰিছে।
মেনেজাৰগৰাকীয়ে লিখিছে, ‘আজিৰ এই পুৱা আমাৰ বাবে খুবেই কঠিন। অত্যন্ত দুঃখেৰে সৈতে জনাব বিচাৰিছো যে আমি পুনম পাণ্ডেক হেৰুৱাই পেলাইছো। তেওঁ কৰ্কটত আক্ৰান্ত হৈ আছিল। এই কঠিন সময়ত আমি অনুৰোধ জনাম যে কোনেও যাতে তেওঁক লৈ কোনো বিৰূপ মন্তব্য নকৰে। পুনমৰ আত্মাৰ শান্তি কামনা কৰক।’ পুনমৰ মৃত্যুৰ খবৰে সকলোকে আচম্বিতও কৰি তুলিছে। বহুতেই অবাক হৈ প্ৰশ্নও কৰিছে এই কথা সঁচানে? কোনো কোনোৱে আকৌ অভিনেত্ৰীগৰাকীৰ আত্মাৰ শান্তি কামনা কৰি লিখিছে, ওম শান্তি। শুক্ৰবাৰে পুৱা অপ্ৰত্যাশিতভাৱে অহা এই দুঃসংবাদে মন সেমেকাই তুলিছে পুনমৰ অনুৰাগীৰো।
https://www.instagram.com/p/C21T9Hcoobz/?utm_source=ig_web_copy_link
কেইটামান দিনৰ আগতে মুম্বাইৰ ৰাস্তাৰ পদপথৰ শিশুসকলৰ সৈতে দেখা গৈছিল পুনমক। ৩২ বছৰীয়া অভিনেত্ৰীগৰাকী জৰায়ুৰ কৰ্কটত আক্ৰান্ত হৈ আছিল বুলি জনাইছে পুনমৰ মেনেজাৰে। পুনমৰ ইনষ্টাগ্ৰাম প্ৰফাইলৰ পৰা এই খবৰত নিশ্চিতি প্ৰদান কৰিছে তেওঁৰ মেনেজাৰে। পুনমৰ মৃত্যুসংবাদক সামৰি ইতিমধ্যে নেট মাধ্যমত সৃষ্টি হৈছে চাঞ্চল্যও। এই খবৰক লৈ বহুতে সংশইয়ো ব্যক্ত কৰিছে।
নীলা ছবিৰ দুনীয়াৰ পৰা জনপ্ৰিয় তাৰকা হিচাপে পুনম পাণ্ডেৰ যাত্ৰা আৰম্ভ হৈছিল। ২০১৩ চনত নিছা ছবিৰ মাধ্যমেৰে বলীউডত অভিষেক ঘটিছিল। দ্যা জাৰ্নি অফ কৰ্মা, জিএছটি, মালিনী এণ্ড কোং, লভ ইজ পয়জনৰ দৰে একাধিক ছবিত কাম কৰিছে প্ৰয়াত অভিনেত্ৰীগৰাকীয়ে। পুনমে ফেয়াৰ ফেক্টৰ লকআপতো বিশেষ জনপ্ৰিয়তা অৰ্জন কৰিবলৈ সক্ষম হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
