অসম লাইভ ২৪ : সকলোৱে খাই ভাল পোৱা খাদ্য-সামগ্ৰীসমূহৰ ভিতৰত বিৰিয়ানি অন্যতম। বিৰিয়ানিৰ নাম শুনিলেই অনেকৰে জিভাৰ পানী ওলায়। কিমান দামী বিৰিয়ানি খাই পাইছে আপুনি? আজি আপোনাক কম বিশ্বৰ সবাতোকৈ দামী বিৰিয়ানিৰ কথা। পিছে এই বিৰিয়ানি খাবলৈ হ’লে আপুনি যাব লাগিব ডুবাইলৈ। এই বিশেষ বিৰিয়ানিৰ নাম দিছে ‘ৰয়েল গ’ল্ড বিৰিয়ানি’। ডুবাইৰ এখন ৰেস্তোৰাই প্ৰথম বৰ্ষপূৰ্তি উপলক্ষে মেন্যুত সংযোজিত কৰিছে এই বিশেষ বিৰিয়ানি। আনহাতে প্ৰতি প্লেটত ইয়াৰ মূল্য নিৰ্ধাৰণ কৰিছে ২০ হাজাৰ টকা। এই বিৰিয়ানিৰ বিশেষত্ব হৈছে ইয়াক পৰিৱেশন কৰোতে ২৩ কেৰেট সোণ ব্যৱহাৰ কৰা হয়। এই সোণ খাব পাৰে আপুনি। ৰেস্তোৰাখনলৈ গৈ অৰ্ডাৰ কৰাৰ ৪৫ মিনিটৰ পাছতেই আপোনাৰ টেবুলত লাভ কৰিব এই বিৰিয়ানি। অৱশ্যে আপুনি যদি ভগাই খাবলৈ ইচ্ছা কৰে তেন্তে এক প্লেট বিৰিয়ানিত ৬ লোকৰ মাজত ভগাই খোৱাৰ সুবিধা ৰাখিছে ৰেস্তোৰাখনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ