বৈদিক জ্যোতিষত শনিক কৰ্মফলৰ দেৱতা বুলি কোৱা হয়৷ আমাৰ সকলোৰে ভাল আৰু বেয়া কামৰ হিচাপ ৰাখে শনিয়ে৷ শনিৰ দৃষ্টিৰ সামান্য সলনিয়ে জাতকৰ জীৱনলৈ ডাঙৰ পৰিবৰ্তন কঢ়িয়াই আনে৷ আগন্তুক ১৭ এপ্ৰিলৰ পৰা শনি উত্তৰ ভাদ্ৰপদ নক্ষত্ৰৰ তৃতীয় ঘৰৰ পৰা চতুৰ্থ ঘৰত প্ৰৱেশ কৰিব৷ উত্তৰ ভাদ্ৰপদ নক্ষত্ৰৰ অধিপতি গ্ৰহ শনি নিজেই৷ অৰ্থাৎ নিজৰ নক্ষত্ৰৰ এক ঘৰৰ পৰা অন্য ঘৰলৈ যাব শনি৷ শনিৰ অৱস্থানৰ এই পৰিবৰ্তনৰ ভাল প্ৰভাৱ পৰিব চাৰি ৰাশিৰ জাতকৰ জীৱনত৷ জানি থওক ১৭ এপ্ৰিলৰ পৰা ভাগ্য সলনি হ’ব কাৰ কাৰ?
মেষ ৰাশি
শনিৰ গোচৰৰ প্ৰভাৱত আৰ্থিক পৰিস্থিতিত বৃহৎ উন্নতি হ’ব মেষ ৰাশিৰ জাতকৰ৷ দীৰ্ঘদিন ধৰি ৰৈ থকা ধন উদ্ধাৰ কৰিব পাৰিব৷ চাকৰি পৰিবৰ্তন কৰিব খুজিলে সেই সুযোগো আপোনাৰ সন্মুখত আহিব৷ ব্যৱসায়ত বিনিয়োগ কৰি ভাল মুনাফা লাভ কৰিব পাৰিব৷
মিথুন ৰাশি
শনিৰ অৱস্থানৰ সলনি আশীৰ্বাদ হৈ আহিব মিথুন ৰাশিৰ বাবে৷ এই সময়ত আপোনাৰ ৰৈ থকা সকলো চৰকাৰী কাম সম্পূৰ্ণ হব৷ সমাজত আপোনাৰ মান মৰ্যাদা বাঢ়িব৷ তীৰ্থযাত্ৰালৈ যোৱাৰ সম্ভাৱনা আছে৷ পৰিয়ালত কোনো শুভ অনুষ্ঠানৰ আয়োজন হ’ব পাৰে৷ ইচ্ছুক দম্পতিয়ে সন্তান লাভৰ সুখবৰ পাব পাৰে৷
তুলা ৰাশি
তুলা ৰাশিৰ জাতকৰ সন্মুখত শনিৰ গোচৰৰ প্রভাৱত সুখ আৰু সমৃদ্ধিৰ নতুন পথ খুলি যাব৷ নতুন ঘৰ বা বাহন ক্ৰয়ৰ সুযোগ আহিব৷ যিসকলে প্ৰতিযোগিতামূলক পৰীক্ষাৰ বাবে প্ৰস্তুতি লৈছে তেওঁলোকে পৰিশ্ৰমৰ সুফল পাব৷ দাম্পত্য জীৱনৰ মনোমালিন্য দূৰ হব৷ শহুৰৰ ঘৰৰ পৰা দামী উপহাৰো পাব পাৰে৷
ধনু ৰাশি
১৭ এপ্ৰিলৰ পৰা সাহস আৰু আত্মবিশ্বাস বাঢ়িব ধনু ৰাশিৰ জাতকৰ৷ আপোনাৰ কামত অফিচৰ কৰ্তৃপক্ষ সন্তুষ্ট হব৷ মাৰ্কেটিং বা মিডিয়াৰ সৈতে যুক্ত ব্যক্তিয়ে ভাল কামৰ বাবে পুৰস্কাৰো পাব৷ পুৰণি বিবাদ দূৰ হব৷ কোনো সাহসী সিদ্ধান্তই আপোনাৰ কেৰিয়াৰক নতুন উচ্চতা দিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
