টিম ইণ্ডিয়াই চলিত বৰ্ষত আয়াৰলেণ্ডত এখন টি-২০ শৃংখলা খেলিব। লগতে আফগানিস্তান আৰু ইংলেণ্ডতো খেলিব T20 আৰু ODI শৃংখলা। আফগানিস্তানৰ লগত এখন টেষ্ট আৰু তিনিখন ODI খেলিব। আনহাতে ইংলেণ্ডৰ লগত ৫ খন T20 আৰু ৩ খন ODI খেলিব ভাৰতে। আফগানিস্তান আৰু ইংলেণ্ডৰ মাটিত হ’ব খেল কেইখন।
Cricbuzz ৰ এক প্ৰতিবেদন অনুসৰি এই মেচসমূহ ২৬ আৰু ২৮ জুনত অনুষ্ঠিত হ’ব। টি-২০ বিশ্বকাপ জয় কৰাৰ পাছত এই ফৰ্মেটত ভাৰতৰ এইখন হ’ব প্ৰথমখন মেচ। সূৰ্যকুমাৰ যাদৱৰ নেতৃত্বত দলটোৱে বিজয় অক্ষুন্ন ৰাখিবলৈ চেষ্টা কৰিব। এই ভ্ৰমণে দলটোক আগন্তুক টি-২০ সূচীৰ বাবে অধিক প্ৰস্তুতিৰ সুযোগ প্ৰদান কৰিব।
ইতিমধ্যে আই পি এলৰ পাছত আফগানিস্তানৰ বিৰুদ্ধে এখন টেষ্ট আৰু তিনিখন এদিনীয়া শৃংখলা নিশ্চিত কৰিছে বি চি চি আইয়ে। ইয়াৰ পিছত দলটোৱে টি-২০ৰ বাবে আয়াৰলেণ্ডলৈ যাত্ৰা কৰিব আৰু তাৰ পিছতে যাব ইংলেণ্ডলৈ। ভাৰতে ইংলেণ্ডত পাঁচখন টি-২০ আৰু তিনিখন এদিনীয়া মেচ খেলিব, যিখন ১ জুলাইৰ পৰা আৰম্ভ হ’ব চেষ্টাৰ-লে-ষ্ট্ৰীটত। সেয়ে দলটোৱে কেইদিনমান আগতেই ইংলেণ্ডত উপস্থিত হৈ শৃংখলাৰ বাবে প্ৰস্তুতি চলাব।
টি-২০ৰ অধিনায়কত্বৰ পৰা পদত্যাগ পল ষ্টাৰলিঙৰ
টি-২০ শৃংখলা আৰম্ভ হোৱাৰ পূৰ্বে আয়াৰলেণ্ডে নতুন অধিনায়ক নিযুক্তি দিব লাগিব। টি-২০ৰ অধিনায়ক পদৰ পৰা পদত্যাগ কৰিছে পল ষ্টাৰলিঙে। টি-২০ৰ অধিনায়ক হিচাপে নিজৰ কাৰ্যকালৰ অন্ত পেলাই আটাইতকৈ চুটি ফৰ্মেটত অধিনায়ক পদৰ পৰা পদত্যাগ কৰাৰ সিদ্ধান্ত লৈছে প্ৰবীণ অ’পেনাৰগৰাকীয়ে। এদিনীয়া মেচত ষ্টাৰলিঙে দলটোৰ অধিনায়কত্ব অব্যাহত ৰাখিব, যাৰ ফলত দীঘলীয়া ফৰ্মেটত দলটোক স্থিতিশীলতা প্ৰদান কৰা হ’ব।
ক্ৰিকেট আয়াৰলেণ্ডে প্ৰকাশ কৰা এক বিবৃতিত ষ্টাৰলিঙে কয় যে, এই ফৰ্মেটত আয়াৰলেণ্ডৰ অধিনায়কত্ব লাভ কৰাটো এক বৃহৎ সন্মান।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
