মুছলমান দেশৰ কথা ভাৱিলেই আমাৰ মনলৈ আহে মহিলাৰ বাবে কঠোৰ নিয়ম, বোৰ্খা পৰিহিতা মহিলা, দীঘল চেলোৱাৰ কামিজ,পুৰুষৰ দীঘল দাড়ি আদি৷ কিন্তু এনে কিছু দেশ আছে য’ত মুছলমান মহিলাইয়ো বেছ স্বাধীনভাৱে জীৱনযাপন কৰে৷ ভাৰতৰ খুব নিছেই অৱস্থিত এখন ইছলামিক দেশ ছৌদী আৰৱ৷ এই দেশ বিশ্বৰ ৫০খনতকৈ বেছি মুছলমান সংখ্যাগৰিষ্ঠ দেশৰ মাজত সকলোতকৈ আধুনিক৷
কেইবাবছৰ পূৰ্বে ছৌদী আৰৱত এখন আইন প্ৰণয়ন কৰা হৈছিল৷ সেই আইন অনুসৰি ছৌদী আৰৱত বাস কৰা মহিলাসকলে বিয়া নকৰাকৈ মাতৃ হোৱাত কোনো বাধা নাই৷ এই আইন অৱশ্যে সেই দেশত বসবাসকৰা অ মুছলমানৰ বাবেহে তৈয়াৰ কৰা হৈছে৷ এই আইনৰ নাম হৈছে ফেডাৰেল পাৰ্ছনেল ষ্টেটাছ ল’৷
প্ৰায় ২ বছৰ পূৰ্বে সংযুক্ত আৰৱ আমিৰশাহীত যেতিয়া এই নতুন নিয়ম আৰম্ভ কৰা হৈছিল তেতিয়া সমগ্ৰ বিশ্বত এই আইনক লৈ আলোচিত হৈছিল৷ ছৌদী আৰৱ চৰকাৰে আইনখন ইমানেই উদাৰভাৱে তৈয়াৰ কৰিছে যি আইনক ইউৰোপৰ যিকোনো দেশৰ সৈতে তুলনা কৰিব পাৰি৷ সংযুক্ত আৰৱ আমিৰশাহীত বসবাসকৰা অমুছলমানসকলৰ বিবাহ, বিবাহবিচ্ছেদ, সন্তানৰ লালন পালন, সম্পত্তিৰ অধিকাৰ, উইল ইত্যাদি বিষয়ত এই আইন খুবেই উদাৰ৷ এই আইনখনৰ মাধ্যমেৰে এতিয়া বসবাসকাৰী বিদেশীসকলক আৰু ধৰ্মীয় স্বাধীনতা আৰু তেওঁলোকৰ ইচ্ছা অনুসৰি জীৱনযাপনৰ স্বাধীনতা দিয়া হৈছে৷
ছৌদী আৰৱ চৰকাৰে প্ৰণীত আইন অনুসৰি এগৰাকী যুৱতীয়ে বিয়া নকৰাকৈ মাতৃ হ’ব পাৰিব আৰু তেওঁলোকে সন্তানৰ পিতৃৰ নাম প্ৰকাশ কৰাৰো প্ৰয়োজন নাই৷ স্বামীৰ নাম অবিহনেই সন্তানৰ জন্মৰ ছাৰ্টিফিকেটো তৈয়াৰ কৰিব পাৰে৷
এই আইন অনুসৰি সংযুক্ত আৰৱ আমিৰশাহীত বসবাসকাৰী যিকোনো অমুছলমান যুৱকে নিজৰ পিতৃ বা পৰিয়ালৰ সন্মতি অবিহনেই ২১ বছৰ বয়সত তেওঁৰ পছন্দৰ ব্যক্তিক বিয়া কৰাবও পাৰে৷ অন্যহাতে যদি কোনো অমুছলমান দম্পতিয়ে বিবাহ বিচ্ছেদ কৰিবলৈ আগ্ৰহী হয় তেতিয়া তেওঁলোকে পাৰস্পৰিক সন্মতিত বিচ্ছেদ ল’ব পাৰে৷ অথৱা স্বামী বা স্ত্ৰীৰ যিকোনো এজনে বিবাহবিচ্ছেদৰ বাবে আদালতলৈ যাব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
