গুৱাহাটীৰ বৰ্ষাপাৰা ষ্টেডিয়ামত IPL ৰ মহাৰণ। ৰাজস্থান ৰয়েলছ আৰু ৰয়েল চেলেঞ্জাৰছ বেংগালুৰুৰ মাজত অনুষ্ঠিত হোৱা খেলখনত ১৫ বছৰীয়া বৈভৱ সূৰ্যবংশীয়ে নিজৰ বেটিঙেৰে সকলোকে আচৰিত কৰিছে। এটাৰ পিছত আনটো অভিলেখ ভাঙিবলৈ সক্ষম সূৰ্যবংশীয়ে। খেলখনৰ আৰম্ভণিৰে পৰা বৈভৱ সূৰ্যবংশীৰ উদ্দেশ্য স্পষ্ট হৈ পৰিছিল। আৰ চি বিৰ বলাৰসকলে তেওঁক বলটো দলিওৱাৰ লগে লগে বৈভৱে বহু দূৰলৈ মাৰি পঠিয়াই। মাত্ৰ ১৫টা বলত তেওঁ অৰ্ধশতকত উপনীত হয়। ২৬টা বলত ৭৮ ৰান কৰি আউট হয় বৈভৱ। তেওঁৰ ইনিংছৰ সময়ছোৱাত ৮টা চাৰি আৰু ৭টা ছয় কৰিছিল।
আমোদজনক কথাটো হ’ল, চলিত ছিজনৰ আৰম্ভণিতে গুৱাহাটীৰ একেখন খেলপথাৰতে চেন্নাই ছুপাৰ কিংছৰ বিৰুদ্ধে মাত্ৰ ১৫টা বলত বৈভৱে ৫০ ৰাণ কৰিছিল। আজিৰ ইনিংছৰ জৰিয়তে তেওঁ প্ৰমাণ কৰিলে নিজৰ উৎকৃষ্ট প্ৰদৰ্শন। জোছ হেজলউডৰ চাৰিটা বলত বৈভৱে ১৮ ৰান সংগ্ৰহ কৰে, য’ত একেৰাহে তিনিটা চাৰি আৰু এটা ছয় ৰান সংগ্ৰহ কৰে।
বৈভৱে আই পি এলত সৰ্বাধিক দ্ৰুত অৰ্ধশতক অৰ্জন কৰাৰ অভিলেখ গঢ়ি তোলা ভাৰতীয় কিংবদন্তি বেটছমেনৰ ভিতৰত স্থান পাইছে। ২০২৩ চনত কলকাতাৰ বিৰুদ্ধে মাত্ৰ ১৩টা বলত এই কৃতিত্ব অৰ্জন কৰা যশস্বী জয়ছোৱালৰ হাতত আছে ভাৰতৰ হৈ সৰ্বাধিক দ্ৰুত অৰ্ধশতক অৰ্জন কৰা অভিলেখ। বৈভৱে এতিয়া ইউছুফ পাথানৰ ১৫টা বলৰ অভিলেখৰ সমান কৰিছে। আটাইতকৈ ডাঙৰ কথাটো হ’ল, তেওঁ এই কৃতিত্ব এবাৰ নহয় দুবাৰ চি এছ কেৰ বিৰুদ্ধে আৰু এতিয়া আৰ চি বিৰ বিৰুদ্ধে অৰ্জন কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
