কেলেণ্ডাৰৰ পাত লুটিয়াই চাইছেনে? ফেব্ৰুৱাৰী মাহ আৰম্ভ হ’বলৈ বেছি দিন নাই৷ ফেব্ৰুৱাৰী মাহ আৰম্ভ হোৱাৰ পূৰ্বে ফেব্ৰুৱাৰী মাহৰ কেলেণ্ডাৰ চাই উত্তাল সামাজিকমাধ্যম৷ বিশেষকৈ সামাজিকমাধ্যত এক্সত এটাই শব্দ চৰ্চা হৈছে৷ এইবাৰৰ ফেব্ৰুৱাৰী পাৰফেক্ট ফেব্ৰুৱাৰী৷ নেটিজেনৰ দাবী যে এইবাৰৰ ফেব্ৰুৱাৰী একেবাৰেই নিখুঁত৷ কিন্তু কিয় নিখুঁত বুলি কোৱা হৈছে ফেব্ৰুৱাৰী মাহক? কিয় এই মাহক লৈ চলিছে বিস্তৃত চৰ্চা?
গণিতৰ হিচাপে কৈছে এইবাৰৰ ফেব্ৰুৱাৰী মাহ আক্ষৰিক অৰ্থত আয়তাকাৰ৷ কেলেণ্ডাৰৰ পাতত চকু দিলেই বুজিব যে মাহৰ প্ৰতিটো বাৰ অৰ্থাৎ সোমবাৰৰ পৰা ৰবিবাৰ প্ৰতিটোৱেই ঠিক চাৰিবাৰকৈ ঘূৰিছে৷ মাহৰ ১ তাৰিখ আৰম্ভ হৈছে শনিবাৰেৰে আৰু শেষ হৈছে শুকুৰবাৰে৷
এই ২৮ দিনৰ মাজত কোনো এটা বাৰেই পাঁচবাৰকৈ অহা নাই৷ সাত দিনৰ চাৰিটা সপ্তাহ মিলি তৈয়াৰ হৈছে এক নিখুঁত জ্যামিতিক বিন্যাস৷ আৰু সেই ঘটনাকেই নেটিজেনে কৈছে পাৰফেক্ট ফেব্ৰুৱাৰী৷ বিশেষজ্ঞই কৈছে এই বিষয়টোত অলৌকিক একো নাই৷ অধিবৰ্ষ বা লিপ ইয়েৰ নহলে সাধাৰণতে ফেব্ৰুৱাৰী মাহ ২৮ দিনীয়াই হয়৷ আৰু ২৮ যিহেতু ৭ৰে বিভাজ্য (৭×৪ সপ্তাহ= ২৮) সেয়ে প্ৰতি ছবছৰ বা ১১ বছৰৰ অন্তৰে অন্তৰে এনে নিয়ম মানিয়েই কেলেণ্ডাৰ সাজি উঠে৷ আৰু ইয়াৰ পূৰ্বে ২০২১ চনত এনে পাৰফেক্ট ফেব্ৰুৱাৰী মাহ চলিছিল৷ আকৌ সেয়া দেখা যাব ২০২৭ চনত৷ বিগত বছৰ অৰ্থাৎ ২০২৪ চনৰ লিপ ইয়েৰ হোৱা মাহটো আছিল ২৯ দিনৰ৷ ফলত সেই বছৰ পাৰফেক্ট ফেব্ৰুৱাৰী নাছিল৷
উল্লেখ্য যে একঘেয়ামী জীৱনত কেলেণ্ডাৰৰ এইধৰণৰ সালসলনিয়ে কিছু আমোদ দিয়ে৷ আমোদৰ বাবেই এইধৰণৰ খবৰে সামাজিকমাধ্যমত চৰ্চা লাভ কৰে৷ এয়া কোনো শুভ সংকেতৰ বাবে নহয়৷ কাৰণ যিয়েই নহওক এই খবৰ জানিবলৈ আপুনিও আগ্ৰহী হৈ থকাৰ বাবেই এই খবৰ আমি লিখিবলৈ বাধ্য৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
