বুধবাৰে পুৱা ৮ বজাৰ সময়ত প্ৰাইভেট চাৰ্টাৰ্ড লিয়াৰজেট ৪৫ ৰে মুম্বাইৰ পৰা ৰাওনা হোৱাৰ পথত মহাৰাষ্ট্ৰৰ উপমুখ্যমন্ত্ৰী অজিত পাৱাৰৰ বিমান দুৰ্ঘটনাত মৃত্যু হৈছে৷ বাৰামতি বিমানবন্দৰৰ ৰানৱেৰ পৰা ১০০ ফুৰ দূৰৈত বিমানখন জ্বলি ছাই হৈ যায়৷ ভয়ংকৰ এই ঘটনাত মৃত্যু হৈছে অজিত পাৱাৰসহ ৫গৰাকী লোকৰ৷ বিমানত অজিত পাৱাৰৰ সৈতে আছিল তেওঁৰ ব্যক্তিগত নিৰাপত্তাৰক্ষী বিদীপ যাদৱ, পাইলট কেপ্টেইন সুমিত কাপুৰ, সম্ভাৱী পাঠক আৰু ফ্লাইট এটেনডেণ্ট পিংকী মালি৷ সকলোৱেই প্ৰাণ হেৰুওৱা বুলি ঘোষণা কৰা হৈছে৷ নিহত পাইলটৰ মাজত আছে সম্ভাৱী পাঠকো৷
কোন আছিল কেপ্টেইন সম্ভাৱী পাঠক?
কেপ্টেইন সম্ভাৱী পাঠক অভিশপ্ত লিয়াৰজেট ৪৫ বিমানৰ পাইলট আছিল৷ তেওঁ এজন সেনা অফিচাৰৰ কন্যা আছিল৷ সম্ভাৱী এয়াৰ ফোৰ্ছ বাল ভাৰতী স্কুলত পঢ়াশুনা কৰিছিল৷ ইয়াৰপাছতেই মুম্বাই বিশ্ববিদ্যালয়ৰ পৰা এৰোনটিক্স/ এভিয়েছন/ এৰোস্পেছ চায়েন্স আৰু টেকনোলজিত স্নাতক ডিগ্ৰি আছিল৷ পাছত তেওঁ নিউজিলেণ্ডৰ ইণ্টাৰনেশ্ব্যনেল কমাৰ্ছিয়েল পাইলট একাডেমিতো ভৰ্তি হয়৷
বিমানৰ পাইলট ইন কমাণ্ডৰ ভূমিকাত আছিল কেপ্টেইন সুমিত কাপুৰ৷ বেচৰকাৰী চাৰ্টাৰ্ড বিমান চলোৱাৰ ক্ষেত্ৰতো তেওঁৰ অভিজ্ঞতা দীৰ্ঘ৷ ভি আই পি ভ্ৰমণ পৰিচালনাত দক্ষ সুমিতৰ কাষত কঠিন অৱতৰণ পৰিস্থিতিও চম্ভালিব পৰা ক্ষমতা আছিল তেওঁৰ৷ দুৰ্ভাগ্যবশত বাৰামতিত যান্ত্ৰিক ত্ৰুটি তেওঁৰ নিয়ন্ত্ৰণৰ বাহিৰত আছিল৷ বিমানখনে দিল্লীৰ চাৰ্টাৰ কোম্পানী VSR পৰিচালনা কৰিছিল৷ দুৰ্ঘটনাৰ পাছতেই বিমানখন জ্বলি যায়৷ ছিভিল এভিয়েছন কৰ্তৃপক্ষই ঘটনাৰ কাৰণ বিচাৰি ওলিয়াবলৈ তদন্ত চলাইছে৷ ইয়াৰোপৰি VSR এভিয়েছনৰ কৰ্মকৰ্তাসকলে বিমানখনক ১০০ শতাংশ নিৰাপদ আৰু ক্ৰুক ভাল অভিজ্ঞ হিচাপে বৰ্ণনা কৰিছে৷
উল্লেখ্য যে এগৰাকী প্ৰত্যক্ষদৰ্শীয়ে কৈছে নিজৰ চকুৰে দেখিছো৷ বিমানখন ৰানৱেৰ দিশে গৈছিল আৰু ৰানৱেৰ কাষলৈ আহি থকাৰ সময়ত ৰানৱেৰ পৰা প্ৰায় ১০০ ফুট আগত পৰি যায়৷ প্ৰত্যক্ষদৰ্শীয়ে লগতে কৈছে যেনেকৈ বিমানখন তললৈ নামিছিল দেখিয়েই ধাৰণা হৈছিল ভয়ংকৰ দুৰ্ঘটনা ঘটিব আৰু সেয়াই হ’ল৷ মাটিত পৰি যোৱাৰ পাছতেই বিমানখনৰ ভয়ংকৰ বিস্ফোৰণ ঘটে, তাৰপিছতেই জুই লাগি যায় বিমানখন৷ ইয়াৰপাছতেই ৪-৫টা বিস্ফোৰণৰ শব্দ শুনা যায়৷
তেওঁ লগতে কয়, বিমানখন ভাঙি পৰাৰ লগে লগে স্থানীয় লোকসকল দৌৰি আহিছিল৷ জুইৰ তীব্ৰতা ইমানেই বেছি আছিল যে কাকোৱেই সহায় কৰা সম্ভৱ নহ’ল৷ ইয়াৰ মাজত অজিত পাৱাৰো থকাৰ কথা পাছতহে গম পোৱা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
