অসম লাইভ ২৪: ঘূৰণীয়া মূৰ, শকত ঠোঁট আৰু চুটি নেজৰ কণমানি ঘৰচিৰিকা চৰাইজনী আমাৰ অতিকৈ চিনাকী, অতিকৈ আপোন। মানুহৰ সৈতে বসবাস কৰাত বিশেষভাৱে অভ্যস্ত এই চৰাইজনী। এটা সময় আছিল যেতিয়া ঘনচিৰিকাৰ মাতেৰে ৰাতি পুৱাইছিল। পিছে সম্প্ৰতি এই প্ৰজাতিৰ চৰাইৰ অস্তিত্বক লৈ ভাবুকি নামি আহিছে। বাঢ়ি অহা প্ৰদূষণৰ বাবে বিলুপ্তিৰ দিশলৈ গতি কৰিছে ঘনচিৰিকাই।
আজি বিশ্ব ঘনচিৰিকা দিৱস। প্ৰতিবছৰে ২০ মাৰ্চৰ দিনটোত ঘনচিৰিকা দিৱস পালন কৰা হয়। এই দিৱস পালনৰ উদ্দেশ্য হৈছে ঘনচিৰিকাক সংৰক্ষণৰ প্ৰতি সজাগতাৰ সৃষ্টি কৰা। পিছে আপুনি জানেনে, ঘনচিৰিকা দিৱসৰ সৈতে জড়িত হৈ আছে ক্ৰিকেট। সেয়া ১৯৩৬ চনৰ কথা। ইংলেণ্ডৰ লৰ্ডছত চলি থকা এখন খেলত জাহাংগীৰ নামৰ এজন বলাৰৰ বল লাগিছিল উৰি থকা এজনী ঘনচিৰিকাৰ গাত আৰু কিছু সময়ৰ পিছতেই মৃত্যু হৈছিল ঘনচিৰিকাজনীৰ। ইয়াৰ পিছতেই লৰ্ডছ খেলপথাৰত ঘনচিৰিকাজনীৰ স্মৃতিত বনোৱা হ’ল এটা মিউজিয়াম। মিউজিয়ামটোৰ নাম দিলে ‘sparrow of lords’।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
