অসম লাইভ২৪ঃ গৰ্ভাৱস্থাৰ ৯ মাহ সময় সকলো মহিলাৰ বাবেই জটিল সময়৷ এই সময়ত শৰীৰ আৰু মনৰ বহু পৰিবৰ্তন আহে৷ বিশেষজ্ঞসকলৰ মতে, গৰ্ভাৱস্থাৰ সময়ত বিশেষ কিছু পৰীক্ষাৰ দ্বাৰা গৰ্ভস্থ শিশু আৰু মাতৃৰ শৰীৰৰ পৰীক্ষা কৰি থকাটো নিতান্তই প্ৰয়োজন৷ গৰ্ভাৱস্থাৰ কোনসমূহ কাৰ্যৰ বাবে গৰ্ভপাত হ’ব পাৰে জানেনে?
গৰ্ভাৱস্থাত কি কি খাব?
গৰ্ভাৱস্থাত চিগাৰেট, এলকহলৰ ওপৰিও চিকিৎসকৰ পৰামৰ্শ অবিহনে ঔষধ সেৱন কৰিলে গৰ্ভাৱস্থাত বিৰূপ প্ৰভাৱ পৰে৷ ইয়াৰোপৰি উচ্চৰক্ত চাপ, স্থূলতা, ডায়াবেটিছ, মৃৰ্গীৰোগ, থাইৰয়েড আদি সমস্যা থাকিলেও চিকিৎসকৰ পৰামৰ্শ গ্ৰহণ কৰি থকাতো নিতান্তই প্ৰয়োজন৷
গৰ্ভত শিশুটিয়ে লৰচৰ কৰিছেনে সেই বিষয়ে নজৰ ৰখা
বিশেষজ্ঞই প্ৰকাশ কৰামতে যদি গৰ্ভাৱস্থাৰ ২০ সপ্তাহ অতিক্ৰম কৰাৰ পাছতো গৰ্ভস্থ শিশুটিৱে লৰচৰ নকৰে তেন্তে তাৎক্ষণিকভাৱে চিকিৎসকৰ কাষ চপাটো দৰকাৰ৷
হাৰ্ট ৰেট পৰীক্ষা
গৰ্ভস্থ শিশুটিৰ হাৰ্টবিট নিয়মিতভাৱে পৰীক্ষা কৰাটো নিতান্তই প্ৰয়োজন৷ শিশুটিৰ হাৰ্ট ৰেট ঠিকে নাথাকিলে চিকিৎসকৰ পৰামৰ্শ গ্ৰহণ কৰাটো নিতান্তই প্ৰয়োজন৷ চিকিৎসকৰ মতে এটা সুস্থ শিশুৰ ক্ষেত্ৰত হাৰ্ট বিট প্ৰতি মিনিটত ১১০ ৰ পৰা ১৬০ ৰ মাজত থাকে৷
ওজন বৃদ্ধি নোহোৱা
গৰ্ভাৱস্থাত ওজন বঢ়াটো সুস্থ প্ৰেগনেন্সিৰ লক্ষণ বুলি কোৱা হয়৷ ১২-১৫ সপ্তাহৰ ভিতৰত ওজন বাঢ়িবলৈ ধৰাটো সুস্থ প্ৰেগনেন্সিৰ এটা লক্ষণ৷ কোনো কাৰণত যদি ওজন বৃদ্ধি নহয় তেন্তে চিকিৎসৰ পৰামৰ্শ গ্ৰহণ কৰাটো নিতান্তই প্ৰয়োজন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
