অসম লাইভ ২৪ঃ বলীউড জগতৰ এগৰাকী বলিষ্ঠ অভিনেতা বুমন ইৰাণী। যি সকলো ধৰণৰ চৰিত্ৰত অভিনয় কৰিব পাৰে। বহু ছবিত বুমন ইৰাণীয়ে চৰিত্ৰবোৰত এনেধৰণৰ অভিনয় কৰিছিলে যে ছবিৰ নাম লোৱাৰ লগে লগে ইৰাণীৰ চৰিত্ৰটোহে মনলৈ আহে। 3 Idiots ছবিত ভাইৰাছৰ চৰিত্ৰই হওক বা মুন্নাভাই MBBSৰ চিকিৎসক আস্থানাৰ চৰিত্ৰই হওক প্ৰতিটো চৰিত্ৰই দৰ্শকক মনত সাচ বহুৱাই থৈছে। এইগৰাকী জনপ্ৰিয় অভিনেতা অভিনয় জগতলৈ অহাৰ পূৰ্বে কি কি কৰিছিল আপুনি জানেনে? ১৯৫৯ চনৰ ২ ডিচেম্বৰত জন্মগ্ৰহণ কৰা বুমন ইৰাণীৰ ফটোগ্ৰাফীৰ প্ৰতি আগ্ৰহী আছিল। পুণেত অনুষ্ঠিত হোৱা বাইক ৰেচৰ ফটোগ্ৰাফীৰ কাম কৰিছিল ইৰাণীয়ে। তাৰ পাছত মুম্বাইৰ বক্সিং বিশ্বকাপো ক’ভাৰ কৰিছিল ইৰাণীয়ে। বুমন ইৰাণীয়ে বলীউডত অহাৰ পূৰ্বে হোটেলত ৱে’টাৰৰ কাম কৰিছিল। মুম্বাইৰ তাজ হোটেলত ২ বছৰ ৱে’টাৰ আৰু ৰূম ছাৰ্ভিচৰ কৰ্মচাৰী হিচাপে কাম কৰিছিল। এই চাকৰি এৰাৰ পাছত বুমন ইৰাণীয়ে মাতৃৰ সৈতে এটা বেকাৰীত কাম কৰিছিল। আৰু তাতেই এদিন বিখ্যাত কৰিঅ’গ্ৰাফাৰ শ্যামক দাৰবাৰেক সাক্ষাৎ কৰিছিল। শ্যামক দাৰবাৰে ইৰাণীক থিয়েটাৰত কাম কৰাৰ পৰামৰ্শ আগবঢ়াইছিল। থিয়েটাৰত অভিনয় কৰি ২০০১ চনত তেওঁ দুখন ইংৰাজী ছবি ‘আলব্ৰি ছাইডছ আই এম ফাইন’ আৰু ‘লেটছ টক’ত অভিনয় কৰিছিল। ইয়াৰ পাছতেই বলীউডত অভিষেক ঘটে বুমন ইৰাণীৰ। ‘ডৰনা মানা হ্যে’ আৰু ‘বুম’ ছবিত অভিনয় কৰি ২০০৩ চনত ‘মুন্নাভাই MBBSত অভিনয় কৰি দৰ্শকৰ মন জয় কৰিছিল ইৰাণীয়ে। 3 Idiots ছবিত বুমন ইৰাণীয়ে নতুন এক মান্যতা পায়। ৪২ বছৰ বয়সত চলচ্চিত্ৰ জগতত আত্মপ্ৰকাশ কৰা বুমন ইৰাণীয়ে বৰ্তমানলৈকে ৫০ খনৰো অধিক ছবিত অভিনয় কৰি দৰ্শকৰ মনত জয় কৰিবলৈ সক্ষম হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
