অসম লাইভ ২৪ঃ হাজোৰ কোঁৱৰপুৰত সংঘটিত হৈছে নৃশংস হত্যাকাণ্ডৰ ঘটনা। জামাতুল্লা আলীৰ বর্বৰ আক্ৰমণত থিতাতে নিহত মিনু দাস নামৰ এগৰাকী মহিলা। উল্লেখযোগ্য যে জামাতুল্লা আলীৰ প্ৰেমৰ প্ৰস্তাৱ প্ৰত্যাখ্যান কৰাৰ বাবেই চোকা অস্ত্ৰৰে হানি-খুঁচি হত্যা কৰিলে মিনু দাসক। নিশায়েই কলিতাকুছিৰ একাংশ সচেতন লোকৰ সহযোগত হত্যাকাৰী জামাতুল্লা আলীক হাজো আৰক্ষীয়ে গ্ৰেপ্তাৰ কৰে। মিনু দাসৰ স্বামী পবিত্ৰ দাসে অভিযোগ কৰিছে যে মীণু দাসক পূর্বতেও ভাল পাইছিল জামাতুল্লাই। কিন্তু প্ৰেমৰ প্ৰস্তাৱ অস্বীকাৰ কৰাৰ বাবেই স্বামী পবিত্ৰক হত্যাৰ পৰিকল্পনা কৰিছিল জামাতুল্লাই। কিন্তু পবিত্ৰক নাপাই মিনু দাসক চোকা অস্ত্ৰৰে হানি-খুঁচি হত্যা কৰে। মিনু দাস তিনিটি কণমানি সন্তানৰ মাতৃ। এইক্ষেত্ৰত পবিত্ৰ আৰু তেওঁৰ পৰিয়ালৰ দাবী হাজো আৰক্ষীয়ে কঠোৰ শাস্তি প্ৰদান কৰক জামাতুল্লাক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
