অসম লাইভ ২৪ঃ ৮৭ত ভৰি দিলে কিংবদন্তী সংগীত শিল্পী আশা ভোচলেয়ে। আজি আশা ভোচলেৰ ওপজা দিন। আশা ভোচলে চিৰনতুন হৈ থকাৰ মন্ত্ৰ হ’ল, সন্মুখলৈ চাই আগবাঢ়ি যোৱা। ওপজা দিনত শিল্পীগৰাকীৰ বার্তা, ‘জীৱনত কোনো অনুশোচনা নাই। জীয়াই আছো সকলোৰে মৰম-ভালপোৱা পাইছো। এয়াই মোৰ আনন্দ।’ এতিয়াও নিজৰ ঘৰৰ ৰান্ধনী ঘৰৰ প্ৰধান ৰান্ধনী তেওঁ। লকডাউনৰ সময়ছোৱাতো আমিষ-নিৰামিষ সকলো ধৰণৰ খাদ্য ৰান্ধি খুৱাইছে পৰিয়ালৰ লোকক। শিল্পীগৰাকীৰ প্ৰিয় ফ্ৰেচ ক্ৰীম ফ্ৰুট কেক কাটি ৮৭ তম জন্মদিন উদযাপন কৰে আশা ভোচলেয়ে। তেওঁৰ বাবে সেই কেক মুম্বাইৰ পৰা অর্ডাৰ দি অনা হৈছিল। পুত্ৰ আনন্দ, বোৱাৰী অনুজা আৰু নাতি-নাতিনীয়ে শুভেচ্ছা জনায় আশা ভোচলেক। কেকৰ লগতে মুম্বাইৰ পৰা অনা হৈছিল শিল্পীগৰাকীৰ প্ৰিয় জাপানীজ আৰু চাইনিজ খাদ্য। নাতি-নাতিনী সম্পর্কত আশা ভোচলেয়ে ক’লে দুয়োটা শিশুৱে অতি প্ৰতিভাধৰ। তেওঁলোকৰ মাজত মই মোৰ শৈশৱ দেখা পাওঁ। এই বিশেষ দিনটোত আশা ভোচলেয়ে ক’লে ‘মোৰ কোনো অনুশোচনা নাই। সকলোৰে ভালপোৱা-মৰম লৈ জীয়াই আছো। তাতে মই যেথষ্ট আনন্দিত। মই সৎ জীৱন যপান কৰিছো। ১০ বছৰ বয়সত প্ৰথম গান গোৱাৰ পাছতে নিজৰ ভৰিত থিয় দি মই খুব সুখী। এই ৮৭ বছৰতো মই গান গাম।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
