অসম লাইভ২৪ঃ আজি মেলবৰ্ণৰ পৰা কোন দেশে নিব আইচিচি ট্ৰফী? পাকিস্তান নে ইংলেণ্ড? বাবৰ আজমৰ দেশেই নিব এইবাৰ বিশ্বকাপৰ ট্ৰফী বুলি বহু ক্ৰিকেট সমালোচকে সম্ভাৱনা ব্যক্ত কৰিছে। ১৯৯২ চনৰ পুনৰাবৃত্তি ঘটিছে চলিত বিশ্বকাপচত বুলি বহুতেই দাবীও কৰিছে। ক্ৰিকেট দুনীয়ত বহুতৰে আইকন হৈ পৰিছে বাবৰ আজম। বাবৰ আজম এগৰাকী জনপ্ৰিয় খেলুৱৈ হিচাপে সৰ্বত্ৰতে পৰিচিতও হৈ পৰিছে। পাক ক্ৰিকেটাৰগৰাকী জীৱনৰ সফল অধ্যায় যেনেদৰে সকলোৰে জ্ঞাত তেনেদৰে বহুকেইটা ক’লা অধ্যায়ৰ বাবেও বাবৰ আজম জনপ্ৰিয়। বাবৰে বিতৰ্কৰ উত্তৰ খেলেৰেই দি আহিছে যদিও বাবৰৰ এই ক’লা অধ্যায়ে বহুতকেই প্ৰিয় খেলুৱৈগৰাকীৰ এই আচৰণ কিয় বুলি প্ৰশ্নও কৰে।
বাবৰৰ ক’লা অধ্যায়ৰ সৈতে সংপৃক্ত কোন?
পাকিস্তান দলটোৰ অধিনায়ক বাবৰ আজমৰ বিৰুদ্ধে বিস্ফোৰক অভিযোগ আনিছিল এগৰাকী তৰুণীয়ে। ‘ডেইলী পাকিস্তানত’ তৰুণীগৰাকীৰ এটা সাক্ষাৎকাৰ পুনৰবাৰ ভাইৰেল হৈছে নেট দুনীয়াত। ২০২০ চনৰ ডিচেম্বৰ মাহত ডেইলী পাকিস্তানৰ মজিয়াত সাক্ষাৎকাৰ দিয়া তৰুণীগৰাকী আছিল বাবৰৰ প্ৰেয়সী। সাক্ষাৎকাৰটো লোৱাৰ কিছুদিন পূৰ্বেই বাবৰ আৰু তেওঁৰ প্ৰেয়সী হামিজা মুখতাৰৰ বিচ্ছেদ হৈছিল। দহ বছৰ ধৰি প্ৰেমৰ সম্পৰ্কত থকা বাবৰে প্ৰত্যেকদিনেই যৌন আতিশায্য চলাইছিল হামিজাক। দহ বছৰ ধৰি বাবৰে বিবাহ কৰোমাম কৰোৱাম বুলি হামিজাৰ সৈতে লিভ ইন ৰিলেশ্বনচিপতো আছিল। হামিজা সন্তানসম্ভৱা হওঁতেই বাবৰে দেখুওৱালে আচল ৰূপ। বলপূৰ্বকভাৱে হামিজাক গৰ্ভপাত কৰাবলৈ বাধ্য কৰোৱাইছিল বাবৰে।
উল্লেখ্য যে হামিজাৰ অভিযোগ অনুসৰি, টকাৰ বিনিময়ত হামিজাৰ মুখ বন্ধ ৰাখিছিল বাবৰে। আনকি বাবৰে তেওঁৰ পিতৃকো ভাবুকি প্ৰদান কৰিছিল। কিন্তু সকলো অভিযোগ এদিন নাটকীয়ভাৱে তুলি লয় হামিজাই। হামিজাই আকৌ সংবাদ মাধ্যমৰ আগত মন্তব্য কৰে যে, তেওঁ যি কৈছিল এয়া সত্য নহয়। বাবৰৰ সৈতে তেওঁৰ কোনো সম্পৰ্ক নাই। পাক ক্ৰিকেটাৰগৰাকীৰ বিৰুদ্ধে অনা অভিযোগৰ কোনো প্ৰমাণ কোনোৱে উলিয়াব নোৱাৰিলে বাবে এই বিষয়টো সিমানতেই অন্ত পৰে। বিতৰ্কমুক্ত হ’ল বাবৰ। ইয়াৰ পাছতেই ভনীয়েকৰ সৈতেই সম্পৰ্ক ৰখাৰ কথা একাংশ মাধ্যমত প্ৰচাৰ হৈছিল যদিও শেষত সেই কথাৰো কোনো উচিত প্ৰমাণ কোনোৱে দাখিল কৰিব নোৱাৰিলে। বাৰে বাৰে বিতৰ্কত সোমাই পৰিলেও পাক অধিনায়কগৰাকীৰ খেলত দেখুওৱা পাৰফৰ্মেন্সৰ সলাগ সকলোৱে লোৱা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
