অসম লাইভ২৪ঃ শক্তিৰ দিশেৰে আমেৰিকা, ৰাছিয়াৰ সমানে সমানেই শক্তিশালী চীনো। সেনাবাহিনীৰ দক্ষতা, কৌশল, আৰু অত্যাধুনিক প্ৰযুক্তি আৰু অস্ত্ৰশস্ত্ৰৰ জোৰত চীনৰ ৰঙা সৈন্যই বিশ্বত ত্ৰাসৰো সৃষ্টি কৰি আহিছে। বৰ্তমান সামৰিক শক্তিৰ দিশেৰ তৃতীয় স্থানত আছে চীন। শীৰ্ষত আছে আমেৰিকা আৰু ৰাছিয়ান সেনাবাহিনী। সামৰিক বিশেষজ্ঞসকলৰ মতে এই দুই দেশত অনায়াসে চেৰ পেলাব পাৰে ‘পিপলছ লিবাৰেছন আৰ্মী’য়ে। ২০২১ চনৰ এক পৰিসংখ্যাই জনোৱা অনুসৰি, আমেৰিকা, ৰাছিয়াসহ কেইবাখনো দেশক চেৰ পেলাইছে চীনৰ সেনাই। শক্তিৰেই তেওঁলোকে শীৰ্ষস্থান দখল কৰিবলৈ সক্ষম হৈছে। চীন আগবাঢ়ি থাকিলেও ভাৰত কিন্তু বেছি পিছপৰি থকা নাই। আমেৰিকা, ৰাছিয়া, চীনৰ সেনাৰ পাছতেই ভাৰতীয় সেনাৰ স্থান।
অত্যাধুনিক অস্ত্ৰশস্ত্ৰ আৰু বাৰে বাৰে প্ৰতিবেশী দেশৰ সৈতে সীমান্ত সংঘাতেই ভাৰতীয় সেনাৰো শক্তি বৃদ্ধি কৰিছে। সামৰিক শক্তিৰ এই তালিকাত ভাৰতৰ পাছতেই আছে জাপান। তেওঁলোকে ব্যৱহাৰ কৰা অস্ত্ৰ শস্ত্ৰ আৰু অত্যাধুনিক। ইয়াৰোপৰি আমেৰিকাৰ সহযোগিতাই জাপানক আৰু শক্তিশালী কৰি তুলিছে। জাপানৰ পাছতেই বিশ্বৰ শক্তিশালী সেনাবাহিনী আছে দক্ষিণ কোৰিয়াৰ হাতত। দক্ষিণ কোৰিয়াৰ বায়ুসেনা, নৌসেনা যথেষ্ট শক্তিশালী। দক্ষিণ কোৰিয়াৰ জনসংখ্যা কম বাবে সেনাবাহিনীলৈ যোৱা জোৱানৰ সংখ্যাও কম।
দক্ষিণ কোৰিয়াৰ পাছতেই আছে ফ্ৰান্স। ইউৰোপীয় দেশসমূহৰ ভিতৰত ফ্ৰান্সৰ সেনা আটাইতকৈ শক্তিশালী। এই দেশত বিভিন্ন অত্যাধুনিক অস্ত্ৰশস্ত্ৰ তৈয়াৰ হয় আৰু বিদেশলৈকো ৰপ্তানি কৰা হয়। বিশ্বৰ অষ্টম শক্তিশালী সেনাবাহিনী ব্ৰিটেইনৰ। ইউৰোপৰ দ্বিতীয় শক্তিধৰ সেনা ব্ৰিটেইনৰ। ব্ৰিটেইনৰ সেনাই বহুবাৰ তেওঁলোকৰ দক্ষতাৰ প্ৰমানো দি আহিছে। দুখনকৈ বিশ্বযুদ্ধই ইয়াৰ প্ৰমাণ। সেনাৰ শক্তিৰ প্ৰমাণেৰে ব্ৰিটেইনৰ পাছতেই আছে ব্ৰাজিল। দক্ষিণ আমেৰিকাৰ মহাদেশসমূহৰ ভিতৰত শক্তিশালী সামৰিক বাহিনী আছে ব্ৰাজিলৰ। ব্ৰাজিলৰ সেনাৰ সংখ্যা ৩ লাখ ৩৪ হাজাৰ ৫০০। এইখন দেশত সেনাৰ নামতেই সৰ্বাধিক খৰচো কৰে চৰকাৰে।
পাকিস্তানৰ সেনা বিশ্বৰ দশম শক্তিশালী সেনা। এই দেশৰ সেনাবাহিনীৰ বাবে বিপুল অৰ্থ খৰচ কৰে। দেশৰ অৰ্থনৈতিক সংকটতো সেনাৰ প্ৰতিপত্তিত প্ৰভাৱ পৰিবলৈ দিয়া নাই পাকিস্তানে। ৰেংকিঙত চীনৰ সেনা ভাৰততকৈ আগুৱাই আছে। অস্ত্ৰশস্ত্ৰ, প্ৰযুক্তিৰ ব্যৱহাৰ, সেনা কাঠামো সকলো দিশেৰেই আগুৱাই আছে চীন। চীন বিশ্বৰ সকলোতকৈ জনবহুল দেশ। কিন্তু চীন আগুৱাই থাকিলেও চীনা সেনাই শেষ যুদ্ধ কৰিছিল ৪৪ বছৰ আগতে। ১৯৭৯ত ভিয়েটনামৰ বিৰুদ্ধেই শেষবাৰৰ বাবে ৰণকৌশল দেখা গৈছিল শেষবাৰৰ বাবে। আনহাতে ভাৰতীয় সেনাই শেষ যুদ্ধ কৰিছিল ২৪ বছৰ আগতে। কাৰ্গিলৰ সেই যুদ্ধত ভাৰতীয় সেনাই জয়লাভো কৰিছিল।
তাতেই ভাৰতীয় সেনাই শেষ পাৰদৰ্শিতা দেখুৱাইছিল। এই দিশেৰে ভাৰত চীনতকৈ আগবাঢ়ি আছে। ভাৰতৰ সেনা চীনৰ সেনাতকৈ বহু এক্টিভ বুলিও সেনা বিশেষজ্ঞসকলে প্ৰকাশ কৰা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
