অসম লাইভ২৪ঃ শাওন মাহৰ সোমবাৰসমূহত প্ৰায়সংখ্যক হিন্দু লোকেই উপবাসে থাকে। শাওন মাহত শিৱ লিংগত পানী ঢালিলে মংগল হয় বুলি বহুতৰেই ধাৰণা। শিৱ লিংগত পানী ঢলাই নহয়, বহুতেই উপবাসেও থাকে। উপবাসে থাকিলে ভগৱান শিৱ প্ৰসন্ন হয় বুলি লোকবিশ্বাস। কিন্তু উপবাস কৰিলে শৰীৰৰ বিশেষ যত্ন ৰখাটোও অতি জৰুৰী। উপবাসে থাকোতে শৰীৰৰ যত্ন কেনেদৰে ল’ব?
উপবাসে থাকোতে কি কি খাব পাৰে?
উপবাসে থাকোতে বহুতেই বিভিন্ন ফল সেৱন কৰে। খাদ্যৰ তালিকাত নাৰিকল, কাজু, বাদাম, আলমণ্ড, খেজুৰ, আখৰোট ৰাখিব পাৰে। উপবাসে থাকোতে কাহানিও একেবাৰে খালী পেটত থাকিব নালাগে।
পানী খাই থাকিব
উপবাসে থাকোতে পানী খাই থকাটো অত্যন্ত জৰুৰী। পানী খাই থাকিলে শৰীৰ ডি-হাইড্ৰেট নহয়। ডি হাইড্ৰেছন হ’লে শৰীৰ দূৰ্বল হৈ পৰে। বাৰে বাৰে পানী খালে এই অসুবিধাৰ সন্মুখীন নহয়। উপবাসে থাকোতে পানীৰ উপৰিও পনীয়া খাদ্য যেনে গাখীৰ, ঘোল আদিও খাব পাৰে। ডাবৰ পানীও খাব পাৰে।
ভুলতো ৰসগোল্লা আদি নাখাব
উপবাসৰ সময়ত ভুলতো ৰসগোল্লা নাখাব। খালী পেটত মিঠা খালে ৰক্ত শৰ্কৰাৰ মাত্ৰা বাঢ়ি যায়। উপবাসৰ সময়ত মিঠা খাবলৈ খুব ইচ্ছা হ’লে খেজুৰ খাব পাৰে।
ভজা-পুৰা খাদ্য এৰাই চলক
উপবাসে থকাৰ পিছত নিশা কাহানিও অত্যাধিক জ্বলা-মছালাজাতীয় খাদ্য গ্ৰহণ নকৰিব। দিনটো শৰীৰে পৰ্যাপ্ত পানী বা খাদ্য নাপায় তাৰপিছত হঠাৎ অতিৰিক্ত তেল মছলাজাতীয় খাদ্য খালে শৰীৰত প্ৰভাৱ পৰে। শৰীৰে অস্বস্তিবোধ কৰে। উপবাস ভঙাৰ পাছত সদায় লঘূ আহাৰহে খাব লাগে।
পৰ্যাপ্ত টোপনি
উপবাসে থাকিলে পৰ্যাপ্ত টোপনিৰ দিশটোত নজৰ দিব। নিশা কমেও ৭-৮ ঘণ্টা সময় টোপনিৰ প্ৰয়োজন। টোপনি সম্পূৰ্ণ হ’লে শৰীৰ ভালে থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
