অসম লাইভ২৪ঃ সুৰক্ষিত জীৱন সাংবাদিকে কেতিয়া পাব? বিশ্বৰ উদাহৰণৰ পূৰ্বেই অসম মুলূকতেই আছে সাংবাদিকক আক্ৰমণ কৰাৰ উদাহৰণ। সাংবাদিকৰ ওপৰত হোৱা আক্ৰমণ ৯০ৰ দশকতেই আৰম্ভ হৈছিল ৰাজ্যত। অসমৰ সংবাদ জগতৰ ভোটাতৰা পৰাগ দাসক গুলীৰে থকাসৰকা কৰিছিল দুৰ্বৃত্তই। কিন্তু বিচাৰ প্ৰক্ৰিয়া আজিকোপতি শেষ নহ’ল। শেহতীয়াভাৱে ইউনেস্কই চলোৱা এক গৱেষণাত পোহৰলৈ আহিছে বহুকেইটা তথ্য। বিশ্বজুৰি সাংবাদিকক হত্যা কৰা অপৰাধীৰ বেছিসংখ্যকৰেই শাস্তি নহয়। এনেকৈ সাংবাদিক হত্যা কৰি হাৰি যোৱা দুৰ্বৃত্তৰ সংখ্যা পৃথিৱীত ৮৬ শতাংশৰো অধিক বুলি দাবী কৰিছে সংস্থাটোৱে।
ইউনেস্কই দাবী কৰা অনুযায়ী, সাংবাদিকৰ ওপৰত হোৱা আক্ৰমণৰ সঠিক বিচাৰ পৃথিবীৰ কোনো এখন দেশতেই আজিলৈকে ভালধৰণে হোৱা নাই। এই দৰে হাৰি যোৱা অপৰাধীবোৰৰ বিৰুদ্ধে তদন্ত হওক। এইসকল অপৰাধীয়েও উপযুক্ত শাস্তি পাওক।’ ইউনেস্কৰ ডাইৰেক্টৰ জেনেৰেল অড্ৰে আজোলে লগতে কয়, ‘এই ধৰণৰ অমিমাংসিত মামলাবোৰেই পৃথিৱীত স্বাধীন ভাৱে মত প্ৰকাশ কৰাৰ অধিকাৰ খৰ্ব কৰে, এনেদৰে চলিলে এদিন পৃথিৱীবাসীয়ে বাক স্বাধীনতাই হেৰুৱাই পেলাব।’
উল্লেখ্য যে ইউনেস্কই প্ৰকাশ কৰা প্ৰতিবেদন মতে বিগত দশকৰ তুলনাত এই দশকত এই সংখ্যা ৯ শতাংশ কমিছে। ২০২০-২১ বৰ্ষত সমগ্ৰ পৃথিৱীত ১১৭ জন সাংবাদিকক কৰ্তব্যৰ সময়তেই হত্যা কৰা হৈছে। আনহাতে আম ৯১ গৰাকীক হত্যা কৰিছে কৰ্তব্যত নথকাৰ সময়ত। এই হত্যা ইমানেই বৰ্বৰ যে বেছিসংখ্যককেই তেওঁলোকৰ পৰিয়ালৰ ওচৰতেই হত্যা কৰি গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
