অসম লাইভ২৪ঃ ৰাজ্যৰ এগৰাকী বিশিষ্ট কণ্ঠশিল্পী ঋষিৰাজ শৰ্মা আৰু নাই। সংগীত শিল্পী দিলীপ শৰ্মা আৰু সুদক্ষিণা শৰ্মাৰ সুপুত্ৰ ঋষিৰাজ শৰ্মাই আজি পুৱা গুৱাহাটী চিকিত্সা মহাবিদ্যালয় হাস্পতালত মৃত্যুক সাবটি লৈছে।
দীৰ্ঘদিন ধৰি বৃক্কৰোগত আক্ৰান্ত হৈ আছিল ঋষিৰাজ শৰ্মা। বহুদিনীয়া চিকিৎসাৰ অন্তত বৃক্ক সংৰোপন কৰাৰ পিছত তেওঁ কিছু পৰিমাণে সুস্থ হৈ উঠি শনিবাৰে হোটেল ৰেডিশ্বনত তেওঁ অনুষ্ঠানো পৰিৱেশন কৰিছিল। কিন্তু হঠাতে স্বাস্থ্যৰ অৱনতি ঘটাত তেওঁক পুৱা ৭ বাজি ৩০ মিনিটত গুৱাহাটী চিকিত্সা মহাবিদ্যালয় হাস্পতাল ভৰ্তি কৰোৱা হয়। হাস্পতালতেই শেষ নিশ্বাস ত্যাগ কৰে কণ্ঠশিল্পীগৰাকীয়ে। কণ্ঠশিল্পীগৰাকী হৃদৰোগত আক্ৰান্ত হৈ মৃত্যুবৰণ কৰা বুলি চিকিৎসকে প্ৰকাশ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
