১ জুলাই দিনটো ভাৰতবর্ষত ৰাষ্ট্ৰীয় চিকিৎসক দিৱস হিচাপে ১৯১১ চনৰ পৰা উদযাপন কৰি অহা হৈছে। পশ্চিমবংগৰ দ্বিতীয়গৰাকী মুখ্যমন্ত্ৰী আৰু সুদক্ষ চিকিৎসক ডাঃ বিধান চন্দ্ৰ ৰায়ক চিকিৎসক হিচাপে সন্মান জনাই এই দিনটো National Doctor’s Day হিচাপে পালন কৰি অহা হৈছে।
চিকিৎসা সেৱা হ’ল মানৱ সেৱা। মই এগৰাকী মনোৰোগ চিকিৎসক আৰু মোৰ স্বামী (ডাঃ ৱালিউল ইছলাম) এজন শৈল্যৰোগ বিশেষজ্ঞ। দৈনিক ১২-১৪ ঘণ্টা সময় আমি ৰোগীৰ লগত ব্যস্ত হৈ থাকো। মনোৰোগ চিকিৎসক হিচাপে মানুহৰ মন অধ্যয়ন কৰাটো মোৰ কেৱল পেছা নহয়, ই মোৰ নিচাও। মানুহৰ মনৰ দুখ-কষ্ট নোহোৱা কৰাৰ বাবে আৰু সকলোকে জীৱনমুখী হোৱাৰ বাবে অনুপ্ৰাণিত কৰিবলৈ চেষ্টা কৰোঁতে কৰা এই অক্লান্ত যাত্ৰাত মই যেন আগুৱাই গৈ আছো। জীৱন যাপন কৰাই মানুহৰ সর্বোচ্চ লক্ষ্য হ’ব নোৱাৰে; জীৱন উদযাপন কৰিবলৈ আৰু কৰাবলৈ চেষ্টা কৰি আহিছো। মানসিক ৰোগ সময়মতে চিনাক্তকৰণ আৰু সঠিক চিকিৎসা (ঔষধ আৰু থেৰাপি/Counselling) প্ৰদান কৰাৰ ক্ষেত্ৰত সজাগতা বৃদ্ধি আৰু Stigma নোহোৱা কৰাৰ বাবে অর্হনিশে যত্ন কৰি আহিছো।
বর্তমান সময়ত Covid-19 মহামাৰীৰ সৈতে যুঁজিবলৈ একমনে কর্ম কৰি গৈছো। বিশেষকৈ সজাগতা বৃদ্ধি, Stigma কমোৱা (মনৰ ভ্ৰান্ত ধাৰণা) আৰু এই পৰিস্থিতৰ সৈতে হোৱা মানসিক সমস্যাবোৰ হ্ৰাস কৰিবলৈ মই ব্ৰতী হৈছো। এই মহামাৰীত অক্লান্তভাৱে, নিজৰ বা পৰিয়ালৰ বিষয়ে চিন্তা নকৰি, সম্পূর্ণ নিষ্ঠা আৰু ত্যাগেৰে সেৱা আগবঢ়াই যোৱা মোৰ সতীর্থ চিকিৎসকসকলক মোৰ প্ৰণাম। বহুবাৰ নিজেই Covid-19ৰ দ্বাৰা আক্ৰান্ত হৈও, নিজে চিকিৎসা লৈ, আৰোগ্য হৈ আকৌ তেখেতসকল নামি পৰিছে এই যুদ্ধত। আহকচোন এই মহান বৃত্তিক আৰু এনে মানৱ সেৱাত ব্ৰতী চিকিৎসকসকলক আমি আজি প্ৰণাম জনাওঁ আৰু কৃতজ্ঞতা জ্ঞাপন কৰো।যোগাত্মক চিন্তাধাৰাই হওক আমাৰ জীৱন প্ৰণালী, মানৱ সেৱাই হওক আমাৰ ধর্ম।
(ডাঃ দত্ত এগৰাকী মনোৰোগ বিশেষজ্ঞ)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
