ভয়ংকৰ , গুজৰাটৰ আহমেদাবাদত বিমান দুৰ্ঘটনাত একেলগে ২৪২ যাত্ৰীৰ মৃত্যুৰ আশংকা

ভয়ংকৰ , গুজৰাটৰ আহমেদাবাদত বিমান দুৰ্ঘটনাত একেলগে ২৪২ যাত্ৰীৰ মৃত্যুৰ আশংকা

গুজৰাটৰ পৰা আহিছে এক অতিকে ভয়ংকৰ তথা শিহৰণকাৰী দুৰ্ঘটনাৰ খবৰ। এয়াৰ ইণ্ডিয়াৰ যাত্ৰীবাহী বিমান বয়িং ৭৩৭ আজি ১২ জুন তাৰিখ বৃহস্পতিবাৰে বিয়লি গুজৰাটৰ আহমেদাবাদত দুৰ্ঘটনাগ্ৰস্ত হয়। যাৰ ভয়ংকৰ ছবি ইতিমধ্যে প্ৰকাশ পাইছে।

আহমেদাবাদৰ মেঘনীনগৰ অঞ্চলত দেখা গৈছে বিশাল জুইৰ শিখা। একে সময়তে দূৰৰ পৰা ক’লা ধোঁৱা দেখা যায়। দুৰ্ঘটনাৰ সময়ত বিমানখনত আছিল ২৪২ গৰাকী যাত্ৰী। ৰাজ্যখনৰ আৰক্ষীবিভাগৰ ফালৰ পৰা সদৰি এই তথ্য। কেউজন যাত্ৰীয়ে এই দুৰ্ঘটনাটোত প্ৰাণ হেৰুৱাৰ আশংকা কৰা হৈছে।

প্ৰাথমিক তথ্য অনুসৰি চৰ্দাৰ বল্লভভাই পেটেল আন্তঃৰাষ্ট্ৰীয় বিমানবন্দৰত সংঘটিত হৈছে এই কৰুণ দুৰ্ঘটনা। বিমানবন্দৰৰ সীমাৰ সমীপতে বিমানখন দুৰ্ঘটনাগ্ৰস্ত হোৱা বুলি অনুমান কৰা হৈছে।

https://x.com/priyankalathi1/status/1933083515387543927

যিখন প্ৰাৰম্ভিক ছবিখন ওলাইছে, তাত দেখা গৈছে যে বিমানখন উৰি গৈ টুকুৰা-টুকুৰ হৈ পৰিছে। সাহায্য আৰু উদ্ধাৰ অভিযান চলি আছে।

https://x.com/SHEKARREDDYBRS1/status/1933081694434930748

ছবিখনত দেখা যায় যে বিমানখনৰ এখন ডেউকা ভাঙি পৰি গৈছে। অগ্নিনিৰ্বাপক বাহিনীয়ে জুই নিয়ন্ত্ৰণৰ চেষ্টা চলাইছে।

সম্প্ৰতি কিছু পৰিমাণে জুই নিয়ন্ত্ৰণ কৰা হৈছে। বিমানখনে বিমানবন্দৰৰ পৰা উৰা মৰাৰ পাছতে ১৫ কিলোমিটাৰ আঁতৰতে এই দুৰ্ঘটনা সংঘটিত হয়। লণ্ডনলৈ বুলি উৰা মাৰিছিল বিমানখনে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ