দীৰ্ঘ অসুস্থতাৰ অন্তত চিৰ বিদায় কেথলিক খ্ৰীষ্টান ধৰ্মীয় নেতা পোপ ফ্ৰান্সিছৰ । কেথলিক খ্ৰীষ্টান ধৰ্মীয় নেতা পোপ ফ্ৰান্সিছৰ দেহাৱসান। দীৰ্ঘ অসুস্থতাৰ অন্তত চিৰ বিদায় মাগিলে ধৰ্মীয় নেতাগৰাকীয়ে।
ইটালীৰ ভেটিকান চহৰত ৮৮ বছৰ বয়সত শেষ নিশ্বাস লয় পোপ প্ৰান্সিছে। ভেটিকান চহৰৰ পৰা বিবৃতি জাৰি কৰি তেওঁৰ মৃত্যুৰ খবৰ সদৰি কৰা হৈছে।
১৪ বিলিয়ন কেথলিকে নিজৰ ধৰ্মগুৰুজনৰ মৃত্যুৰ খবৰ শুনি শোকত ভাগি পৰিছে। স্থানীয় সময় অনুসৰি আজি পুৱা ৭:৩৫ বজাত পোপে চিৰ বিদায় লয়।
কেথলিক গীৰ্জাৰ মুখ্য কাৰ্যালয় ভেটিকানৰ তথ্য অনুসৰি ১৪ ফেব্ৰুৱাৰীত ডাবল নিউমোনিয়াৰ চিকিৎসাৰ বাবে ৮৮ বছৰীয়া পোপ ফ্ৰান্সিছক চিকিৎসালয়ত ভৰ্তি কৰা হৈছিল। তেওঁ নিমোনিয়াৰ লগতে হাওঁফাওঁৰ সংক্ৰমণতো ভুগিছিল।
বিভিন্ন ৰোগৰ বাবে ৫ সপ্তাহ ধৰি চিকিৎসালয়ত ভৰ্তি কৰোৱা হৈছিল পোপক। তেজৰ পৰীক্ষাৰ ৰিপৰ্টত পোপৰ কিডনী বিকল হোৱাৰ লক্ষণ পোৱা যায়। পিছত তেখেতক ডিচচাৰ্জ দিয়া হয়।
উল্লেখ্য যে পোপ ফ্ৰান্সিছ আছিল ৰোমান কেথলিক গীৰ্জাৰ লেটিন আমেৰিকান মূলৰ প্ৰথম পোপ। কেথলিক খ্ৰীষ্টানসকলৰ বাবে আটাইতকৈ সন্মানীয় ধৰ্মীয় নেতা তেওঁ ২০১৩ চনৰ পৰা পোপ হিচাপে সক্ৰিয় হৈ আছিল।
আৰ্জেন্টিনাৰ পৰা অহা পোপগৰাকীয়ে বিশ্বজুৰি চলি থকা যুদ্ধৰ বিৰোধিতাৰ বাবে পৰিচিত আছিল যাৰ বাবে তেখেতক শান্তিৰ দূত বুলিও অবিহিত কৰিছিল। ইষ্টাৰ দেওবাৰে দিয়া শেষ বাৰ্তাত পোপ ফ্ৰান্সিছে শান্তি, নিৰস্ত্ৰকৰণ আৰু বন্দীসকলক মুক্তিৰ আহ্বান জনায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
