শ্ৰীদেৱীয়ে নাকচ কৰিছিল, অন্য এগৰাকীয়ে গ্ৰহণ কৰিছিল, বাজেটতকৈ ৭ গুণ অধিক উপাৰ্জন কৰিছিল
৩০ বছৰ পূৰ্বে মুক্তি পোৱা এখন ব্লকবাষ্টাৰ ছবি। অতিকে সফল ছবিখনে ভৱাতকৈ অধিক উপাৰ্জন কৰিছিল। আজিও মানুহে সেই চিনেমাখন চাবলৈ ভাল পায়। তাৰকা তথা অভিনেতাসকলৰ অভিনয়, চিনেমাৰ কাহিনীয়ে অনুৰাগীক অধিক আকৰ্ষিত কৰিছিল। যাৰ ফলতে ৭ গুণ অধিক উাপাৰ্জন কৰিবলৈ সক্ষম হৈছিল চিনেমাখনে।
নান পাটেকাৰ অভিনীত সেই চিনেমাখন আছিল ‘ক্ৰান্তিবীৰ’। ১৯৯৪ চনত মুক্তি লাভ কৰা একচন থ্ৰিলাৰ ছবি ‘ক্ৰান্তিবীৰ’ ত নানা পাটেকাৰে মূখ্য ভূমিকা পালন কৰিছিল। ডিম্পল কাপাডিয়াক সহযোগী চৰিত্ৰত দেখা গৈছিল। একে সময়তে পৰেশ ৰাৱাল, অতুল কুলকাৰ্ণী, মমতা কুলকাৰ্ণীৰ দৰে তাৰকাও ছবিখনৰ অংশ আছিল। ইয়াত খলনায়কৰ চৰিত্ৰত অভিনয় কৰিছিল ডেনি ডেনজংপাই।
নানা পাটেকাৰৰ অন্যতম জনপ্ৰিয় ছবি ‘ক্ৰান্তিবীৰ’ত তেওঁৰ বলিষ্ঠ প্ৰদৰ্শনক অতিশয় প্ৰশংসা কৰা হৈছিল। পাছে জানিব পৰা মতে, এই চিনেমাখনত মেঘা দীক্ষিতৰ চৰিত্ৰৰ বাবে প্ৰথমে শ্ৰীদেৱীক অফাৰ দিয়া হৈছিল কিন্তু পোনচাটেই নাকচ কৰিছিল অভিনেত্ৰীগৰাকীয়ে।
ইয়াৰ পিছত সেই চৰিত্ৰ ডিম্পল কাপাডিয়ালৈ যায়। একেদৰে মমতা কুলকাৰ্ণীৰ চৰিত্ৰটো পাইছিল কাজলে, কিন্তু কাজলেও ছবিখনত কাম কৰিবলৈও অস্বীকাৰ কৰিছিল।
ছবিখনত ডিম্পল কাপাডিয়াৰ ভূমিকা সৰু আছিল যদিও অতি শক্তিশালী আছিল। তেওঁৰ অভিনয়ৰ যথেষ্ট প্ৰশংসা হৈছিল। আনকি ডিম্পলে ‘ক্ৰান্তিবীৰ’ৰ বাবে শ্ৰেষ্ঠ সহযোগী অভিনেত্ৰীৰ ফিল্মফেয়াৰ বঁটাও লাভ কৰিছিল। একে সময়তে নানা পাটেকাৰে ফিল্মফেয়াৰ শ্ৰেষ্ঠ অভিনেতাৰ ৰাষ্ট্ৰীয় বঁটা লাভ কৰিছিল।
নানা পাটেকাৰ আৰু ডিম্পল কাপাডিয়াৰ ‘ক্ৰান্তিবীৰ’ সেই সময়ত অতি কম খৰচত নিৰ্মাণ কৰা হৈছিল। বক্স অফিচ ইণ্ডিয়াৰ তথ্য অনুসৰি ইয়াৰ নিৰ্মাণৰ বাবে নিৰ্মাতাসকলে মাত্ৰ ২.২৫ কোটি টকা ব্যয় কৰিছিল যদিও মুক্তিৰ পিছত ছবিখনে বক্স অফিচত আলোড়নৰ সৃষ্টি কৰি দেশজুৰি ৯.৩৫ কোটি টকা উপাৰ্জন কৰিছিল। বিশ্বজুৰি সংগ্ৰহ কৰা হৈছিল ১৫.৮৫ কোটি টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
