ভাৰতৰ প্ৰথমটো পাকিস্তান আক্ৰমণৰ কিয় নাম দিয়া হ’ল ‘অপাৰেচন সিন্দূৰ’ ?
ভাৰতে মাজ নিশা পাকিস্তানৰ ৯ টা কৈ সন্ত্ৰাসবাদী ঘাটিক অতৰ্কিতে আক্ৰমণ কৰি পেহেলগাম ঘটনাৰ প্ৰথমটো প্ৰতিশোধ লয়। এই বৃহৎ ক্ষেপণাস্ত্ৰ আক্ৰমণৰ ভাৰতে নাম দিয়ে ‘অপাৰেচন সিন্দূৰ’ । পাছে কিয় এই নাম দিয়া হ’ল এই আক্ৰমণৰ?
২২ এপ্ৰিলত জম্মু-কাশ্মীৰৰ পেহেলগামত সন্ত্ৰাসবাদীয়ে পৰ্যটকৰ ধৰ্ম সুধি হিন্দু বুলি জনাৰ পাছতে কেইবাগৰাকী পুৰুষক হত্যা কৰিছিল। এই সন্ত্ৰাসবাদী আক্ৰমণত বহু মহিলাই হেৰুৱাইছিল স্বামী। অকালতে মচিব লগা হৈছিল কপালৰ সেন্দুৰ। কোনোগৰাকীয়ে আকৌ গাৰ মাহ-হালধীৰ গোন্ধ নাযাওতেই হেৰুাৱইছিল সেন্দুৰ। যি ঘটনাই শোকবিহ্বল কৰি তুলিছিল সমগ্ৰ ভাৰতবাসীক।
সেই সেন্দুৰৰ প্ৰতিশোধ হিচাপেই ভাৰতীয় সেনাই এই অভিযানৰ নাম ‘অপাৰেচন সিন্দূৰ’ ৰাখে, আৰু সেই নৃশংস সন্ত্ৰাসবাদী আক্ৰমণৰেই প্ৰতিশোধ ল’বলৈ ভাৰতে ১৫ দিনৰ পিছতে মাজনিশা হঠাতে বৃহৎ আক্ৰমণৰ জৰিয়তে পাকিস্তান দখল কাশ্মীৰৰ ৯টাকৈ সন্ত্ৰাসবাদী শিবিৰ ধ্বংস কৰে।
পেহেলগামৰ সেই সন্ত্ৰাসবাদী আক্ৰমণত স্বামী হেৰুওৱা মহিলা কেইগৰাকীৰ বাবেই এই প্ৰতীক বিচাপে নাম ৰাখে অপাৰেচন সেন্দূৰ।
উল্লেখ্য যে, ২২ এপ্ৰিলৰ দিনা ২৬ গৰাকী পৰ্যটকক তেওঁলোকৰ ধৰ্মৰ বিষয়ে প্ৰশ্ন কৰি গুলীয়াই হত্যা কৰিছিল সন্ত্ৰাসবাদীয়ে। এই আক্ৰমণত ২৫ জন ভাৰতীয় আৰু এজন নেপালী লোকে প্ৰাণ হেৰুাৱইছিল। আক্ৰমণৰ সময়ত সন্ত্ৰাসবাদীয়ে তেওঁলোকৰ ধৰ্ম সুধি কেৱল পুৰুষকহে হত্যা কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
