অতিকে শোকাৱহ, এক দুৰ্ঘটনাত একেলগে প্ৰাণ হেৰুৱালে ৪ জনকৈ ইউটিউবাৰে
এক অতিকে শোকাৱহ ঘটনাই চাঞ্চ্যৰ সৃষ্টি কৰিছে। শোকৰ ছাঁ পেলাইছে একেলগে ৪ টাকৈ পৰিয়ালত। কোনো কামৰ বাবে ওলাই আহি একেলগে প্ৰাণ হেৰুৱালে ৪ জনকৈ ইউটিউবাৰে।
উত্তৰ প্ৰদেশৰ অমৰোহাত সংঘটিত হৈছে এই ঘটনা। এক পথ দুৰ্ঘটনাত প্ৰাণ হেৰুৱালে ৪ জনকৈ বন্ধু তথা ইউটিউবাৰে। আৰক্ষীয়ে মৃত্যু হোৱাৰ ৪ বন্ধুৰ পৰিচয় উদ্ধাৰ কৰোতে ওলাই পৰে চাৰিও ইউটিউবাৰ, এই ৪ বন্ধুৰ নাম লাকী, ছলমান, শ্বাহৰুখ আৰু শ্বাহনবাজ। ৪ য়ো ৰাজধানী দিল্লীৰ বাসিন্দা।
ঘটনাসন্ধৰ্ভত জানিব পৰা অনুসৰি, চাৰিও বন্ধু ইউটিউবৰ কোনো কামত গজৰোলাৰ বুলন্দচহৰ গৈ আছিল। নিশাৰ ভাগত বাহনখনৰ গতি অতি তীব্ৰ আছিল। যাৰ বাবে বিপৰীত দিশৰ পৰা অহা আন এখন তীব্ৰগতিত থকা বাহনৰ সৈতে প্ৰচণ্ড জোৰে সংঘৰ্ষ হয়।
এই সংঘৰ্ষৰ ফলতে ঘটনাস্থলীতে প্ৰাণ হেৰুৱাই ৪য়ো ইউটিউবাৰ বন্ধুৱে। আনহাতে আনখন বাহনত থকা ৪ যাত্ৰী গুৰুতৰভাৱে আহত হয়। সংকটজনক অৱস্থাত ৪য়ো যাত্ৰীকে নিকট হাস্পতালত ভৰ্তি কৰোৱা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
