উত্তৰ প্ৰদেশৰ গ্ৰেটাৰ নয়ডাত একেটা পৰিয়ালৰ ৫গৰাকীকৈ সদস্যৰ ৰহস্যজনক মৃ*ত্যুৰ ঘটনাই সমগ্ৰ অঞ্চলটোতে চাঞ্চল্যৰ সৃষ্টি কৰিছে। আজি পুৱা নাগলা শ্ৰী পদম গাঁৱৰ বাসিন্দা পৰিয়ালটোৰ ৫ গৰাকীকৈ সদস্যৰ মৃ*ত্যুৰ খবৰ লাভ কৰাৰ পিছতে ৰাবুপুৰা আৰক্ষী থানাত বিষয়টো অৱগত কৰা হয়।
মৃ*ত লোককেইজন হৈছে মহেশ (৩৭), তেওঁৰ পত্নী ললিতা (৩৫), দুই পুত্ৰ সাক্ষাৎ (৩), লাড্ডু (১১) আৰু সাত বছৰীয়া কন্যা মিষ্টি। একেটা পৰিয়ালৰ ৫গৰাকীকৈ সদস্যৰ একেলগে মৃ*ত্যু হোৱা ঘটনাই স্থানীয় লোকসকলৰ মাজত গভীৰ শোক আৰু উদ্বেগৰ সৃষ্টি কৰিছে।
প্ৰাথমিক তথ্য অনুসৰি, খাদ্যৰ বিষক্ৰিয়াৰ ফলত পৰিয়ালটোৰ সদস্যসকলৰ মৃ*ত্যু হোৱা বুলি সন্দেহ কৰা হৈছে। স্থানীয় লোক আৰু মহেশৰ মাতৃৰ ভাষ্য অনুসৰি, পৰিয়ালটোৰ সদস্যসকলে ঘটনাৰ আগদিনা নিশা নুডলছ খাইছিল। ইয়াৰ পিছতে পুৱা পৰিয়ালটোৰ ৫ গৰাকীকৈ সদস্যৰ মৃ*ত্যুৰ খবৰ পোহৰলৈ আহে।
নিশা নুডলছ খোৱাৰ তথ্যৰ ভিত্তিত খাদ্যৰ বিষক্ৰিয়াৰ সন্দেহ কৰা হৈছে যদিও, কেৱল এই তথ্যৰ পৰাই খাদ্যবিধৰ বাবেই তেওঁলোকৰ মৃত্যু হোৱা বুলি নিশ্চিত কৰিব নোৱাৰি। মৃত্যুৰ প্ৰকৃত কাৰণ জানিবলৈ ঘটনাটোৰ তদন্ত আৰু প্ৰয়োজনীয় পৰীক্ষাৰ ফলাফল গুৰুত্বপূৰ্ণ হ’ব।
এটা পৰিয়ালৰ ৫ গৰাকীকৈ সদস্যৰ এনেদৰে মৃত্যু হোৱা ঘটনাই খাদ্যৰ সুৰক্ষা আৰু স্বাস্থ্যৰ বিষয়টো পুনৰ চৰ্চালৈ আনিছে। অৱশ্যে, বৰ্তমানলৈকে মৃত্যুৰ সঠিক কাৰণ নিশ্চিত হোৱা নাই। তদন্তৰ পিছতহে এই শোকাৱহ ঘটনাৰ প্ৰকৃত কাৰণ স্পষ্ট হোৱাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
