মাথো ৩০ দিনৰ ভিতৰতে বিশ্বৰ ৫ দ্বিগ্বজ ক্ৰিকেটাৰে বিদায় দিলে ক্ৰিকেটক, চাওক তালিকা

মাথো ৩০ দিনৰ ভিতৰতে বিশ্বৰ ৫ দ্বিগ্বজ ক্ৰিকেটাৰে বিদায় দিলে ক্ৰিকেটক, চাওক তালিকা

চলিত বৰ্ষৰ মে’ মাহটো ক্ৰিকেট জগতৰ বাবে বহু খেলুৱৈৰ অৱসৰ তথা ক্ৰিকেটক বিদায় দিয়া মাহ হিচাপ পৰিগণিত হৈ পৰে। ২০২৫ চনৰ মে’ মাহত বিশ্বৰ বহু আগশাৰীৰ খেলুৱৈয়ে অৱসৰৰ কথা ঘোষণা কৰিছে। ইয়াৰ পিছত জুনৰ আৰম্ভণিতে ২ জন খেলুৱৈয়ে অৱসৰৰ কথা ঘোষণা কৰে।

খেলুৱৈসকলৰ এই সিদ্ধান্তক লৈ অনুৰাগীসকল কিছু ক্ষুব্ধ হৈ পৰিছে। ৰোহিত-বিৰাটৰ দৰে প্ৰবীণ খেলুৱৈয়েও ২০২৫ চনৰ মে’ মাহত টেষ্ট ক্ৰিকেটৰ পৰা বিদায় লৈছিল। এতিয়া আইপিএল ২০২৫ৰ পিছতো বহু খেলুৱৈয়ে অৱসৰ ঘোষণা কৰাৰ সম্ভৱনাই দেখা দিছে।

৭ মে’ত ৰোহিত শৰ্মাই টেষ্ট ক্ৰিকেট ত্যাগ কৰাৰ সিদ্ধান্ত লয়। ইয়াৰ পিছত ১৫ মে’ত বিৰাট কোহলীয়েও টেষ্ট ক্ৰিকেটৰ পৰা অৱসৰ ঘোষণা কৰি সকলোকে আচৰিত কৰি তোলে। ইয়াৰ পিছত শ্ৰীলংকাৰ তাৰকা খেলুৱৈ এঞ্জেলো মেথিউছেও ২৩ মে’ত টেষ্ট ক্ৰিকেটৰ পৰা অৱসৰ লোৱাৰ কথা ঘোষণা কৰে।

২ জুনত দুগৰাকী মহান খেলুৱৈয়ে অৱসৰৰ কথা ঘোষণা কৰে। প্ৰথমে অষ্ট্ৰেলিয়াৰ তাৰকা অল ৰাউণ্ডাৰ গ্লেন মেক্সৱেলে এদিনীয়া ক্ৰিকেটৰ পৰা বিদায় লয়। ইয়াৰ পিছতে দক্ষিণ আফ্ৰিকাৰ উইকেটকীপাৰ বেটছমেন হাইনৰিখ ক্লাচেনে ক্ৰিকেটৰ তিনিওটা ফৰ্মেট ত্যাগ কৰাৰ সিদ্ধান্ত লয়।

মাথো ৩৩ বছৰ বয়সত ক্লাচেনৰ হঠাতে অৱসৰ লোৱাটো চিন্তাৰ বিষয়। এইদৰে মাথো ২৭ দিনৰ ভিতৰতে বিশ্বৰ ৫ গৰাকী মহান খেলুৱৈয়ে ক্ৰিকেটৰ কোনো নহয় কোনো এটা ফৰ্মেটৰ পৰা বিদায় মাগে।

এতিয়া অনুমান কৰা হৈছে- ভাৰতৰ অন্য কেইবাগৰাকী জ্যেষ্ঠ খেলুৱৈয়ে অৱসৰ ঘোষণা কৰিব পাৰে। এই তালিকাত চেতেশ্বৰ পূজাৰা আৰু অজিংক্যা ৰাহানেৰ নাম অন্তৰ্ভুক্ত। দুয়োগৰাকী খেলুৱৈয়ে দীৰ্ঘদিন ধৰি টিম ইণ্ডিয়াৰ পৰা আঁতৰি আছে। এনে পৰিস্থিতিত এইসকল খেলুৱৈয়ে শীঘ্ৰে অৱসৰৰ কথা ঘোষণা কৰিব পাৰিব বুলি আশা কৰা হৈছে

চলিত বৰ্ষত জানুৱাৰী মাহৰ পৰা বিশ্বৰ বহু কেইগৰাকী আগশাৰীৰ খেলুৱৈয়ে ক্ৰিকেটৰ পৰা বিদায় মাগে। সেই কেইগৰাকী হৈছে –

গ্লেন মেক্সৱেল- অষ্ট্ৰেলিয়া- এদিনীয়া ক্ৰিকেটৰ পৰা অৱসৰ
বিৰাট কোহলী- ভাৰত- টেষ্ট ক্ৰিকেট
ৰোহিত শৰ্মা- ভাৰত- টেষ্ট ক্ৰিকেট
ষ্টিভ স্মিথ- অষ্ট্ৰেলিয়া- এদিনীয়া ক্ৰিকেট
মাৰ্কছ ষ্টোইনিচ- অষ্ট্ৰেলিয়া- এদিনীয়া ক্ৰিকেট
এঞ্জেলা মেথিউজ- শ্ৰীলংকা- টেষ্ট ক্ৰিকেট
মুস্তাফিকুৰ ৰহমান- বাংলাদেশ- এদিনীয়া ক্ৰিকেট
দিমুথ কৰুণাৰত্নে- শ্ৰীলংকা- ইণ্টাৰনেশনেল
মহমুদুল্লাহ- বাংলাদেশ- টেষ্ট ক্ৰিকেট

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ