আন এক ডাঙৰ হেলিকপ্টাৰ দুৰ্ঘটনা৷ এই দুৰ্ঘটনাত থিতাতে নিহত হৈছে ৫ যাত্ৰীসহিতে এগৰাকী পাইলটো৷ ৰয়টাৰ্ছৰ ৰিপৰ্টত কোৱা হৈছে মৃতকসকলৰ মাজত ৩গৰাকী শিশুও আছে৷
আমেৰিকাৰ নিউয়ৰ্কত হাডছন নদীত ভয়াৱহ দুৰ্ঘটনাত ভাঙি পৰিল এখন হেলিকপ্টাৰ৷ এই এলেকাৰ মেয়ৰ এৰিক আডামছে জনাইছে যে মৃতকসকলৰ বেছিভাগ স্পেনৰ বাসিন্দা৷ সংবাদসংস্থা এএফপিয়ে জনাইছে যে আহতসকলৰ মাজত দুজনকেই প্ৰথমে হাস্পতাললৈ লৈ যোৱা হৈছিল যদিও তেওঁলোকৰো জীৱন ৰক্ষা কৰিব পৰা নগল৷
বৰ্তমানলৈকে নিহতসকলৰ পৰিচয় প্ৰকাশ কৰা হোৱা নাই যদিও নিউয়ৰ্ক পোষ্টে জনাইছে যে আৰোহীসকলৰ মাজত স্পেনৰ চিমেন্সৰ প্ৰেচিডেণ্ট আৰু চিইঅ অগাষ্টিন এছকোবাৰ, তেওঁৰ পত্নী আৰু তেওঁৰ তিনি সন্তান আছিল বুলি জনাইছে৷ নিউয়ৰ্কৰ মেয়ৰ এৰিক আডামছে জনাইছে যে, এই মুহূৰ্তত ৬জন নিহতকেই উদ্ধাৰ কৰা হৈছে৷ ঘটনাক লৈ শোক প্ৰকাশ কৰিছে মাৰ্কিন প্ৰেচিডেণ্ট ডোনাল্ড ট্ৰাম্পে৷
ট্ৰাম্পে শোক প্ৰকাশ কৰি লিখিছে, ‘হাডছন নদীত ভয়াৱহ হেলিকপ্টাৰ দুৰ্ঘটনা দেখি ধাৰণা হৈছে যে পাইলট আৰু দুই প্ৰাপ্তবয়স্ক আৰু তিনি শিশুসহ ছয়গৰাকী ব্যক্তিক আমি হেৰুৱালো৷ দুৰ্ঘটনাৰ ফুটেজ ভয়াৱহ৷ ঈশ্বৰৰ ওচৰত নিহতসকলৰ সদগতি কামনাৰে প্ৰাৰ্থনা জনাইছো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
