জাপানত আকৌ ভূমিকম্প। এইবাৰ ৬.১ প্ৰাবল্যৰ ভূমিকম্পই জাপানৰ তিনিখন চহৰত আতংকৰ সৃষ্টি কৰে। হঠাতে অহা ভূমিকম্পৰ ফলত সকলো কঁপি উঠে। সকলোৱে ভয়তে নিজৰ ঘৰ-দুৱাৰ আৰু কাৰ্যালয়ৰ পৰা পলায়ন কৰে।
জাপানৰ ৰাজধানী টকিঅ’ আৰু ইয়াৰ আশে-পাশে থকা অঞ্চলত হঠাতে আতংক বিয়পি পৰিল। মানুহে অফিচৰ পৰা ঘৰলৈ উভতি যাবলৈ বা দৈনন্দিন কাম-কাজত ব্যস্ত হৈ থকাৰ সময়তে হঠাতে পৃথিৱীখন তীব্ৰভাৱে কঁপিবলৈ ধৰে। অতি প্ৰবল কম্পন বুলি গণ্য কৰা ৰিখটাৰ স্কেলত এই ভূমিকম্পৰ গতি আছিল ৬.১। কম্পন অনুভৱ কৰাৰ লগে লগে মানুহে নিৰাপত্তা বিচাৰি ঘৰ আৰু কাৰ্যালয়ৰ পৰা লৰালৰিকৈ ওলাই আহে।
টকিঅ’, চিবা আৰু কানাগাৱাত আতংকৰ সৃষ্টি হয়। জাপান বতৰ বিজ্ঞান সংস্থাই প্ৰকাশ কৰা তথ্য অনুসৰি শুকুৰবাৰে সন্ধিয়া ৭:৩৯ বজাত সংঘটিত হয় এই ভূমিকম্প। দেশৰ আটাইতকৈ ঘন জনবসতি আৰু ব্যস্ত কান্টো অঞ্চলৰ ওচৰত পানীৰ তলত ইয়াৰ কেন্দ্ৰবিন্দু আছিল। এই ভূমিকম্পৰ আটাইতকৈ উল্লেখযোগ্য বৈশিষ্ট্য আছিল যে ই কেৱল টকিঅ’তে সীমাবদ্ধ নাছিল, ইয়াৰ প্ৰবল কম্পন তিনিওখন ডাঙৰ চহৰতে স্পষ্টভাৱে অনুভৱ কৰা হৈছিল: টকিঅ’, চিবা আৰু কানাগাৱা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
