কাইলৈ ৭ ছেপ্টেম্বৰ শনিবাৰে চন্দ্ৰই দিনে নিশাই তুলা ৰাশিত বিৰাজ কৰিব৷ বৈদিক পঞ্জিকা অনুসৰি কাইলৈ ভাদ মাহৰ শুক্লপক্ষৰ চতুৰ্থী তিথি৷ জ্যোতিষ গণনা অনুসৰি কাইলৈ থাকিব সৰ্বাৰ্থ সিদ্ধি যোগ, ইন্দ্ৰ যোগ আৰু ব্ৰহ্মা যোগৰ প্ৰভাৱ৷ ইয়াৰোপৰি কাইলৈ থাকিব প্ৰথমে চিত্ৰা নক্ষত্ৰ আৰু পাছত স্বাতী নক্ষত্ৰৰ প্ৰভাৱ৷ এই সকলো শুভ যোগৰ প্ৰভাৱত কাইলৈ দিনটো বিশেষ মাহাত্ম্যপূৰ্ণ হ’ব৷ হিন্দুধৰ্মত শনিবাৰ হৈছে শনিৰ প্ৰিয় দিন৷ কাইলৈ পালিত হ’ব গণেশ পুজাও৷ পুৰাণ অনুসৰি এই দিনটোতেই শিৱ পাৰ্বতীৰ সন্তান হিচাপে জন্মগ্ৰহণ কৰিছিল গণেশে৷ কাইলৈ দিনটো কোন কোন ৰাশিৰ জাতকৰ বাবে শুভ? জানি থওক আজিয়েই৷
মেষ ৰাশি
কাইলৈ দিনটো বিশেষ শুভ আৰু কাৰ্যকৰী হ’ব মেষ ৰাশিৰ জাতকৰ বাবে৷ আৰ্থিক উন্নতিৰ বাবে প্ৰচুৰ সুযোগ পাব আপুনি৷ সিদ্ধিদাতাৰ কৃপাত সকলো কামেই আপুনি সহজে সম্পন্ন কৰিব পাৰিব৷ কাৰ্যালয়ত সন্মান আৰু প্ৰতিপত্তি বৃদ্ধি পাব৷ মেনেজমেণ্ট আপোনাৰ কামত সুখী হ’ব৷ বিনিয়োগৰ পৰা ভাল লাভ পাব৷ মেষ ৰাশিৰ জাতকৰ সংসাৰো সুখকৰ হ’ব৷
কৰ্কট ৰাশি
৭ ছেপ্টেম্বৰ নানান দিশৰ পৰা লাভজনক হ’ব কৰ্কট ৰাশিৰ জাতকৰ৷ কাইলৈ কোনো সুসংবাদ আপুনি পাব পাৰে৷ যি খবৰৰ বাবে দীৰ্ঘদিন ধৰি অপেক্ষা কৰিছিল সেই খবৰ লাভ কৰিব৷ সংসাৰত আনন্দৰ ঢৌ আহিব৷ আৰ্থিকভাৱেও কাইলৈ দিনটো আপোনাৰ বাবে লাভজনক হ’ব৷ পাবলগীয়া ধন কাইলৈ ঘূৰাই পাব৷ গণপতিৰ কৃপাত কাইলৈ কৰ্কট ৰাশিৰ জাতকে শত্ৰুক পৰাস্ত কৰিব পাৰিব৷
সিংহ ৰাশি
কাইলৈ সৰ্বাৰ্থ সিদ্ধি যোগৰ শুভ ফল লাভ কৰিব সিংহ ৰাশিৰ জাতকে৷ শিক্ষাক্ষেত্ৰত যিসকল যুক্ত তেওঁলোকে কাইলৈ বিশেষ সাফল্য পাব পাৰে৷ আৰ্থিকভাৱেও কাইলৈ লাভৱান হ’ব৷ ব্যৱসায়ৰ পৰাও কাইলৈ বৃহৎ লাভ হ’ব আপোনাৰ৷ কাইলৈ সিংহ ৰাশিৰ জাতকৰ স্বাস্থ্য সম্পৰ্কীয় কোনো সমস্যা থাকিলে দূৰ হ’ব৷ ৰোগ প্ৰতিৰোধ ক্ষমতা কাইলৈ বাঢ়িব৷ সমাজত বিশেষ কাৰোবাৰ সৈতে পৰিচয় হ’ব৷
তুলা ৰাশি
কাইলৈ স্বাতী নক্ষত্ৰৰ শুভ প্ৰভাৱ থাকিব তুলা ৰাশিৰ জাতকৰ ওপৰত৷ কাইলৈ জীৱনত সকলো ক্ষেত্ৰতে আপুনি জয় লাভ কৰিব৷ নতুন বন্ধু পাব৷ ব্যৱসায়ীসকলে কাইলৈ বিদেশৰ পৰা কোনো বৃহৎ কামৰ অফাৰ পাব পাৰে৷ মনত কাইলৈ সুখ আৰু শান্তি বৰ্তি থাকিব৷ বজৰংবলীৰ আশীৰ্বাদত আৰ্থিক অৱস্থা কাইলৈ উন্নত হ’ব৷ দাম্পত্য জীৱনতো সুখ থাকিব তুলা ৰাশিৰ জাতকৰ৷
ধনু ৰাশি
কাইলৈ নিজৰ প্ৰভাৱ প্ৰতিপত্তি বহু পৰিমানে বাঢ়িব ধনু ৰাশিৰ জাতকৰ৷ কাইলৈ ব্ৰহ্মা যোগৰ প্ৰভাৱত নিজৰ উপাৰ্জন আৰু সঞ্চয় বঢ়োৱাত সফল হ’ব৷ ধন উপাৰ্জনৰ একাধিক পথ খুল খাব আপোনাৰ সন্মুখত৷ কাইলৈ মনত আনন্দ থাকিব৷ নিজৰ মনৰ কথা প্ৰিয়জনৰ আগত প্ৰকাশ কৰিব পাৰে৷ কাৰ্যালয়ত সহকৰ্মীসকল আপোনাৰ ওপৰত সুখী থাকিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
