ব্যাপক অগ্নিকাণ্ড, একেলগে প্ৰাণ হেৰুৱালে ১৭ গৰাকীকৈ লোকে, বহু আহত
হায়দৰাবাদত সংঘটিত হৈছে এক ভয়ংকৰ অগ্নিকাণ্ডৰ ঘটনা। যি ঘটনাত প্ৰাণ হেৰুৱাইছে ১৭ গৰাকীকৈ লোকে। প্ৰধানমন্ত্ৰী নৰেন্দ্ৰ মোদীয়ে শোক প্ৰকাশ কৰিছে এই অগ্নিকাণ্ডত। এই ভয়ংকৰ অগ্নিকাণ্ড সংঘটিত হৈছে হায়দৰাবাদৰ চাৰ্মিনাৰৰ সমীপৰ এটা অট্টালিকাত।
এই ব্যাপক অগ্নিকাণ্ডত ১৭ জন লোকৰ মৃত্যু হোৱাৰ বাতৰি পোৱা গৈছে। লগতে এই অগ্নিকাণ্ডত গুৰুতৰভাৱে আহত কেইবাজনো। জুই লগা অট্টালিকাটো হায়দৰাবাদৰ মিৰ চক অঞ্চলত। অগ্নিকাণ্ডৰ কাৰণ এতিয়াও জানিব পৰা হোৱা নাই।
অগ্নিনিৰ্বাপক বাহিনীৰ মতে, পুৱা ৬:৩০ বজাত তেওঁলোকে এই অগ্নিকাণ্ডৰ তথ্য লাভ কৰে। তথ্য লাভ কৰাৰ লগে লগে ১১খন অগ্নিনিৰ্বাপক বাহিনীৰ গাড়ী সেই স্থানলৈ প্ৰেৰণ কৰা হয়। থিতাতে ১০খন এম্বুলেন্সো উপস্থিত থাকে। যাৰ বাবে আহতসকলক লগে লগে ওচৰৰ চিকিৎসালয়ত ভৰ্তি কৰোৱা হয়।
আৰক্ষী আৰু অগ্নিনিৰ্বাপক বাহিনীৰ প্ৰাৰম্ভিক তদন্ত অনুসৰি এচিৰ শ্বৰ্ট চাৰ্কিটৰ ফলত এই অগ্নিকাণ্ড সংঘটিত হোৱা বুলি সন্দেহ কৰা হৈছে। অৱশ্যে তদন্ত সমাপ্ত হোৱাৰ পিছতহে জানিব পৰা যাব যে জুইৰ সঠিক কাৰণ কি।
এই দুৰ্ঘটনাক লৈ শোক প্ৰকাশ কৰিছে প্ৰধানমন্ত্ৰী মোদীয়ে। এই সন্দৰ্ভত প্ৰধানমন্ত্ৰী মোডীয়ে এটা x পোষ্টো শ্বেয়াৰ কৰিছে। এই পোষ্টটোত লিখিছে- জুইত মৃত্যু হোৱা লোকক লৈ তেওঁ অতি দুখী। আপোনজনক হেৰুৱাই পেলোৱা সকলৰ প্ৰতি সমবেদনা জ্ঞাপন কৰিলোঁ। আহতসকলৰ আশু আৰোগ্য কামনা কৰিলোঁ। প্ৰতিজন মৃতকৰ নিকট আত্মীয়ক পিএমএনআৰএফৰ পৰা ২ লাখ টকাৰ এক্স গ্ৰেচিয়া দিয়া হ’ব। আনহাতে আহতসকলক ৫০ হাজাৰ টকা দিয়া হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
