কেন্দ্ৰীয় চৰকাৰৰ কৰ্মচাৰীসকলে আগ্ৰহেৰে অপেক্ষা কৰি আছে অষ্টম দৰমহা আয়োগ কাৰ্যকৰী হোৱাৰ বাবে। বৰ্তমান আয়োগে বিভিন্ন কৰ্মচাৰী সংস্থা, পেঞ্চনাৰ, আৰু অন্যান্য অংশীদাৰৰ পৰামৰ্শ সংগ্ৰহৰ প্ৰক্ৰিয়াত আছে। প্ৰতিবেদন দাখিল আৰু কাৰ্যকৰী হ’বলৈ কিছু সময় লাগিব পাৰে। সংবাদ মাধ্যমৰ বাতৰি অনুসৰি ২০২৬ চনৰ জানুৱাৰী মাহৰ পৰা কৰ্মচাৰীসকলে বকেয়া লাভ কৰাৰ সম্ভাৱনা আছে।
কেন্দ্ৰীয় চৰকাৰে ২০২৫ চনৰ নৱেম্বৰ মাহত ৮ম পে আয়োগৰ টাৰ্মছ অৱ ৰেফাৰেন্স (ToR) জাৰি কৰিছিল। আয়োগৰ প্ৰতিবেদন প্ৰস্তুত কৰিবলৈ ১৮ মাহৰ সময় দিয়া হৈছে। বিশেষজ্ঞসকলৰ মতে, এই প্ৰতিবেদন সম্পূৰ্ণ হ’লেই মন্ত্ৰী গোটলৈ (GoM) অনুমোদনৰ বাবে প্ৰেৰণ কৰা হ’ব। এই প্ৰতিবেদন কাৰ্যকৰী কৰিবলৈ আৰু তিনিৰ পৰা ছমাহ সময় লাগিব পাৰে। গতিকে ২০২৬ চনৰ দ্বিতীয়াৰ্ধত অষ্টম দৰমহা আয়োগৰ পৰামৰ্শ কাৰ্যকৰী কৰিব পৰা যাব বুলি ধাৰণা কৰা হৈছে।কিন্তু ২০২৬ চনৰ ১ জানুৱাৰীৰ পৰা কৰ্মচাৰীয়ে দৰমহা আৰু পেঞ্চন বৃদ্ধিৰ সুবিধা লাভ কৰিব পাৰে, যাৰ ফলত বকেয়া হ’ব পাৰে।
বকেয়া কেনেকৈ গণনা কৰা হয়?
এজন কৰ্মচাৰীৰ বকেয়া গণনা কৰিবলৈ সংশোধিত দৰমহা আৰু বৰ্তমানৰ দৰমহাৰ মাজৰ পাৰ্থক্যক কিমান মাহৰ বাবে ধন পৰিশোধ বাকী আছে তাৰ সৈতে গুণ কৰা হয়।
সূত্ৰ:
বকেয়া = (নতুন মৌলিক দৰমহা ÷ বৰ্তমানৰ মূল দৰমহা) × বাকী থকা মাহৰ সংখ্যা
ইয়াত হিচাপ ২০ মাহৰ সম্ভাৱ্য বকেয়া মনত ৰাখি কৰা হৈছে।
লেভেল-৬ কৰ্মচাৰীৰ বৰ্তমান আৰু সংশোধিত দৰমহা
৭ম দৰমহা আয়োগৰ অধীনত ৬ নং স্তৰৰ কৰ্মচাৰীৰ নূন্যতম মৌলিক দৰমহা ৩৫,৪০০ টকা। ফিটমেণ্ট ফ্যাক্টৰৰ ওপৰত ভিত্তি কৰি সম্ভাৱ্য নতুন বেচিক পে তলত দিয়া ধৰণৰ হ’ব পাৰে।
২.০ ফিটমেণ্ট ফেক্টৰ: ৭০,৮০০ টকা ২.১৫ ফিটমেণ্ট ফেক্টৰ: ৭৬,১১০ টকা ২.২৮ ফিটমেণ্ট ফেক্টৰ: ৮০,৭১২ টকা ২.৫৭ ফিটমেণ্ট ফেক্টৰ: ৯০,৯৭৮ টকা
প্ৰতিমাহে কিমান বৃদ্ধি পাব দৰমহা?
যদি ওপৰত উল্লেখ কৰা ফিটমেণ্ট কাৰকসমূহ প্ৰয়োগ কৰা হয়, তেন্তে লেভেল-৬ৰ কৰ্মচাৰীৰ মৌলিক দৰমহা মাহেকীয়া ভিত্তিত বৃদ্ধি হোৱা দেখা যাব পাৰে।
২.০ ফিটমেণ্ট ফেক্টৰ: ৩৫,৪০০ টকা বৃদ্ধি ২.১৫ ফিটমেণ্ট ফেক্টৰ: ৪০,৭১০ টকা বৃদ্ধি ২.২৮ ফিটমেণ্ট ফেক্টৰ: ৪৫,৩১২ টকা বৃদ্ধি ২.৫৭ ফিটমেণ্ট ফেক্টৰ: ৫৫,৫৭৮ টকা বৃদ্ধি
২০ মাহৰ বাবে আশা কৰা বকেয়া কিমান হ’ব?
যদি অষ্টম পে আয়োগৰ পৰামৰ্শ কাৰ্যকৰী হ’বলৈ ২০ মাহ সময় লাগে আৰু ২০২৬ চনৰ জানুৱাৰী মাহৰ পৰা বকেয়া ধন দিয়া হয়, তেন্তে লেভেল-৬ৰ কৰ্মচাৰীয়ে এই ধন লাভ কৰিব পাৰিব।
২.৫৭ ফিটমেণ্ট ফেক্টৰৰ বাবে কিয় অপেক্ষা কৰি আছে?
কৰ্মচাৰী সংস্থাসমূহে অধিক ফিটমেণ্ট ফ্যাক্টৰ দাবী কৰিছে, কিয়নো ইয়াৰ ফলত দৰমহা আৰু পেঞ্চন যথেষ্ট বৃদ্ধি পাব। যদি ২.৫৭ ফিটমেণ্ট ফ্যাক্টৰ প্ৰয়োগ কৰা হয়, তেন্তে লেভেল-৬ৰ এজন কৰ্মচাৰীৰ মৌলিক দৰমহা ৯০,০০০ টকাতকৈ অধিক হ’ব পাৰে, আৰু ২০ মাহৰ বকেয়া ১১ লাখ টকাৰ ওপৰত হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
