অসম লাইভ২৪ঃ পিতৃ হীৰা ব্যৱসায়ী৷ কন্যা সন্ন্যাসী৷ কোটিপতি ব্যৱসায়ীৰ কন্যা কিয় হ’ল সন্ন্যাসী? মাত্ৰ ৯ বছৰ৷ ৯ বছৰতেই সন্যাস গ্ৰহণ কৰিছে এইগৰাকী কণমানিয়ে৷ পিতৃৰ কোটি কোটি সম্পদৰ প্ৰতি ৯ বছৰতেই ত্যাগ কৰিছে মোহ৷ গুজৰাটৰ হীৰা ব্যৱসায়ীৰ কন্যা দেৱাংশীয়ে কিয় ইমান কমবয়সতে লৈছে সন্যাস?
পিতৃ চুৰাটৰ লেখত লগ’বলগীয়া হীৰা ব্যৱসায়ী৷ ৩৫ হাজাৰ লোকক পিতৃয়ে দিছে কৰ্মসংস্থাপন৷ পিতৃৰ বাৰ্ষিক আয় ১০০ কোটিৰো অধিক৷ সোণৰ চামুছ মুখত লৈ জন্ম লোৱা দেৱাংশী কিন্তু সম্পদক লৈ সম্পূৰ্ণ উদাসীন৷ ঘৰত বিলাসী গাড়ীৰ বাহাৰ অথচ দেৱাংশীয়ে কোজ কাঢ়ি ভালপায়৷ শেহতীয়াভাৱে নাবালিকা দেৱাংশীয়ে প্ৰায় ৭০০ কিঃমিঃ খোজকাঢ়ি সন্যাসী হ’বলৈ আগবাঢ়িছে দেৱাংশী৷ ১৪ জানুৱাৰীত আৰম্ভ হৈছে দেৱাংশীৰ সন্যাস যাত্ৰা৷ এক বিশেষ সমাৰোহত দীক্ষা গ্ৰহণ কৰিছে দেৱাংশীয়ে৷
দেৱাংশী এই কোটি টকাৰ ব্যৱসায়ৰ দাবীদাব নহ’ব৷ সম্পদ, আ অলংকাৰ সকলো দেৱাংশীৰ বাবে ক্ষন্তেকীয়া মায়া মোহ৷ আধ্যাত্মিকতাতেই দেৱাংশীয়ে বিচাৰি পাইছে চৰম সুখ৷ দেৱাংশীৰ এই যাত্ৰাত সুখীনে পিতৃ-মাতৃ?
দেৱাংশীৰ এই নতুন যাত্ৰা সন্দৰ্ভত পৰিয়ালে দাঙি ধৰিছে মন্তব্য৷ পিতৃ-মাতৃয়ে জনোৱা অনুসৰি সৰুৰে পৰাই দেৱাংশী সা-সম্পদ এই বিষয়সমূহৰ প্ৰতি উদাসীন৷ আধ্যাত্মিক পৰিবেশেহে সৰুৰে পৰাই সুখী কৰে দেৱাংশীক৷ দেৱাংশীয়ে কুমাৰী দীক্ষা ল’ব খোজা বিষয়টোত পিতৃ মাতৃৰো আছে সম্পূৰ্ণ সহযোগ৷
শোভাযাত্ৰাৰে কুমাৰী দীক্ষাৰ বাবে পঠিওৱা হৈছে দেৱাংশীক৷ ২০ টা ঘোঁৰা ১১ টা উট এই যাত্ৰাৰ সহযাত্ৰী৷ কেইবালাখ লোক হ’ল এই যাত্ৰাৰ প্ৰত্যক্ষদৰ্শী৷ আধুনিক প্ৰযুক্তিৰে পৰিচিত হ’ব নোখোজা দেৱাংশীয়ে জানে ভাৰতৰ আটাইকেইখন মহাকাব্য৷ মাতিব পাৰে বহু সংস্কৃত শ্লোক৷ অন্য কণমানিতকৈ পৃথক দেৱাংশীৰ এই যাত্ৰাৰ ভিডিঅ’ ভাইৰেল হৈ পৰাৰ পাছতেই বহুসংখ্যক সামাজিক মাধ্যম ইউজাৰকাৰীয়েই দেৱাংশীৰ এই চিন্তাক সমৰ্থন জনোৱা পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
