অসম লাইভ ২৪ঃ এতিয়াৰেপৰা কোভিড ভেকচিন গ্ৰহণ কৰাৰ সময়ত সাৱধান হওক। সম্প্ৰতি বজাৰত উপলব্ধ হৈছে ভুৱা কোভিড ভেকচিন ‘কোভিশ্বিল্ড’। এই সন্দৰ্ভত সতৰ্কবাণী জাৰি কৰিছে বিশ্ব স্বাস্থ্য সংস্থাই। এই ভয়ংকৰ তথ্য পোহৰলৈ আহিছে ভাৰত আৰু পূব আফ্ৰিকাৰ ইউগাণ্ডাত। এই সন্দৰ্ভত বিশ্ব স্বাস্থ্য সংস্থাই তথ্য লাভ কৰে জুলাই আৰু আগষ্ট মাহত। কোভিশ্বিল্ড নিৰ্মাতা কোম্পানী ছিৰাম ইনষ্টিটিউটে নিশ্চিত কৰিছে ভুৱা কোভিশ্বিল্ড সন্দৰ্ভত। প্ৰথমে WHOয়ে এই ভুৱা ভেকচিন চিনাক্ত কৰিছিল আফ্ৰিকাত। পাছত ভাৰততো চিনাক্ত কৰা হয় এই ভুৱা ভেকচিন। ছিৰাম ইনষ্টিটিউটে সদৰী কৰা তথ্য অনুসৰি, 4121Z040 বেটচৰ ম্যাদৰ তাৰিখ ১০.০৮.২০২১ থকা ভেকচিনসমূহ ভুৱা আৰু এই ভুৱা ভেকচিনৰ প্ৰতিটো বটলৰ পৰিমাণ 2ml। কিন্তু ছিৰাম ইনষ্টিটিউটে 2ml অৰ্থাৎ ৪ টা ড’জৰ পৰিমাণৰ ভেকচিন তৈয়াৰ কৰা নাছিল। এইসমূহ ভুৱা ভেকচিন চিনাক্ত কৰি অপসাৰণ কৰাৰ বাবে ব্যৱস্থা গ্ৰহণৰ ওপৰত গুৰুত্ব আৰোপ কৰিছে বিশ্ব স্বাস্থ্য সংস্থাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
