অসম লাইভ ২৪ঃ এটা হাৰ্ট এটেকে কোটিপতি কৰিলে এজন যুৱকক। সপোন সপোন লগা এই ঘটনা সংঘটিত হৈছে ছিংগাপুৰত। কোভিড ভেকচিন ফাইজাৰ গ্ৰহণ কৰিছিল ছিংগাপুৰৰ এজন যুৱকে। কোভিড ভেকচিন গ্ৰহণ কৰাৰ ৬ দিন পাছত পাছত হাৰ্ট এটেক আহে এই যুৱকজনৰ। তাৰ পাছতেই আহিল ভাল খবৰটো। স্বাস্থ্য মন্ত্ৰ্যালয়ে ঘোষণা কৰিলে যুৱকজনক ২ লাখ ২৫ হাজাৰ ডলাৰৰ আৰ্থিক ক্ষতিপূৰণ প্ৰদান কৰিব অৰ্থাৎ ভাৰতীয় হিচাপত ডেৰ কোটি টকা। কোভিড-১৯ৰ Vaccine Injury Financial Assistance Programme ৰ অধীনত প্ৰদান কৰা হৈছে এই আৰ্থিক সাহায্য। যুৱকজনৰ myocarditis সমস্যা থকাৰ বাবে হাৰ্ট এটেক অহা বুলি মেডিকেল ৰিপোৰ্টট পোৱা গৈছে। এনে পৰিস্থিতিত কোভিড ভেকচিনৰ গ্ৰহণে গুৰুতৰ সমস্যাৰ সৃষ্টি কৰিছিল যুৱকজনৰ ক্ষেত্ৰত। সাধাৰণতে মায়’কাৰ্ডিজ ভাইৰেল ভেকচিন গ্ৰহণ কৰিলে হোৱাৰ সম্ভাৱনা থাকে। সম্প্ৰতি যুৱকজন চিকিৎসালয়ত চিকিৎসাধীন অৱস্থাত আছে। পূৰ্বৰ তুলনাত কিছু সুস্থিৰ হৈছে যুৱকজনৰ স্বাস্থ্য।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
