মানুহৰ মনোভাৱ সঁচাই ধৰিবলৈ টান আজিৰ সময়ত। কেতিয়া কোনে কাক ক’ত হত্যা কৰে আজিৰ দিনত তাৰ কোনো ঠিকনা নাই। পুৱা ঘৰৰ পৰা উলাই যোৱা ব্যক্তিজনে সঁচাকৈ সন্ধিয়া অক্ষত অৱস্থাত বা জীৱিত অৱস্থাত যে উভতি আহিব সেয়া আজিৰ সময়ত বুকু দাঠি কোৱাটো সঁচাকৈ কঠিন। পিছে এইবাৰ তেনে এক কৰুণ ঘটনাই সংঘটিত হ’ল মধ্যপ্ৰদেশত। ঘটনা আছিল তেনেই সামান্য।
SEE MORE: মুকেশ আম্বানীক পিছ পেলালে আদানীয়ে, বিশ্বৰ কেই নম্বৰ ধনী ব্যক্তি হ’ল গৌতম আদানী?
দেওবাৰে সন্ধিয়া মধ্যপ্ৰদেশৰ ৰাজধানী চহৰৰ চোলা অঞ্চলৰ শংকৰ নগৰৰ এখন হোটেলত সুৰাসক্ত অৱস্থাত প্ৰৱেশ কৰিছিল এগৰাকী ব্যক্তি। হোটেলখনত প্ৰৱেশ কৰিয়েই বিনোদ আহিৰৱাৰ নামৰ ব্যক্তিজনে মালিকক নোসোধাকৈ খাই আছিল এটা চিঙৰা। আৰু এই দৃশ্য দেখি গ্ৰাহকজনৰ প্ৰতি খঙত অগ্নিশৰ্মা হৈ পৰে মালিক হৰি সিং।
SEE MORE: মহানগৰীত চাঞ্চল্যকৰ ঘটনা : তিনিমহলাৰ পৰা বনকৰা কিশোৰীক পেলাই দিলে মালিকনীয়ে
কিছুসময় পিছতেই ঘটনাক কেন্দ্ৰ কৰি দুই ফৈদৰ মাজত আৰাম্ভ হয় তীব্ৰ বাক-বিতণ্ডা। শেষত হোটেলখনৰ মালিক আৰু মালিকৰ ২০ বছৰীয়া পুত্ৰই এডাল লাঠিয়ে মাৰপিট কৰে নোসোধাকৈ চিঙৰা খোৱা ব্যক্তিজনক। পিছে এই মাৰপিট জোখতকৈ বেছি হোৱাৰ কাৰণে এটা সময়ত হোটেলখনতে মৃত্যু হয় গ্ৰাহক ৰূপী বিনোদ আহিৰৱাৰ।
শেষত চোলা মন্দিৰ আৰক্ষীয়ে ঘটনাস্থলীত উপস্থিত হৈ গ্ৰেপ্তাৰ কৰে হোটেলখনৰ মালিক হৰি সিং আৰু ২০ বছৰীয়া পুত্ৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
