প্ৰেমিকাক ছুৰীৰে আঘাত কৰি ধন, সোণৰ গহনা লৈ প্ৰেমিকে পলায়ন কৰাৰ এক ঘটনা পোহৰলৈ আহিছে৷ ঘটনাটো উত্তৰ প্ৰদেশৰ শৰাই অকিল আৰক্ষী চকীৰ অন্তৰ্গত এক এলেকাত সংঘটিত হৈছে৷
প্ৰকাশিত বাতৰি মতে প্ৰেমিকৰ সৈতে পলাই বিবাহপাশত আৱদ্ধ হোৱাৰ মানসেৰে এগৰাকী যুৱতীয়ে ধন আৰু সোণৰ গহনা লৈ ঘৰৰ পৰা পলায়ন কৰে৷
বিবাহৰ প্ৰতিশ্ৰুতি দি প্ৰেমিকাক ধন আৰু সোণৰ গহনা লৈ আহিবলৈ কোৱা ২২ বছৰীয়া প্ৰেমিকে অৱশেষত পথাৰৰ জনশূণ্য স্থানলৈ নি প্ৰেমিকাক ছুৰীৰে আঘাত কৰি ধন আৰু সোণৰ গহনা লৈ পলায়ন কৰে৷
লগতে পঢ়ক নাৰ্ছিংহোমত চাৰি বছৰৰ তলৰ শিশুক নিযুক্তি! দৰমহা হিচাপে দিয়ে গাখীৰ আৰু ডায়েপাৰ
ইতিমধ্যে আঘাতপ্ৰাপ্ত যুৱতীগৰাকীক চিকিৎসালয়ত ভৰ্তি কৰোৱা হৈছে৷ যুৱতীগৰাকীক চিকিৎসালয় ভৰ্তি কৰোৱাৰ পিছতহে ঘটনাটো পোহৰলৈ আহে৷
যুৱতীগৰাকীৰ ভাষ্যৰ ভিত্তিত পৰিয়ালৰ লোকে পলাতক প্ৰেমিকৰ বিৰুদ্ধে আৰক্ষী থানাত এজাহাৰ দাখিল কৰিছে৷ আৰক্ষীয়ে ঘটনা সন্দৰ্ভত গোচৰ ৰুজু কৰি অভিযুক্ত যুৱকৰজনৰ সন্ধান অভিযান চলাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
