অসম লাইভ২৪ঃ দীপাৱলীৰ প্ৰাকক্ষণত ৰাজ্যিক বিষয়া আৰু কৰ্মচাৰী তথা সৰ্বভাৰতীয় সেৱাৰ বিষয়াসকলৰ বাবে বিশেষ উপহাৰ। মুখ্যমন্ত্ৰী ড° হিমন্ত বিশ্ব শৰ্মাই ৰাজ্যিক বিষয়া আৰু কৰ্মচাৰী তথা সৰ্বভাৰতীয় সেৱাৰ বিষয়াসকলৰ মৰগীয়া বানচ ৪ শতাংশ বৃদ্ধিৰ কৰাৰ কথা ঘোষণা কৰিছে। নিজৰ টুইটাৰ একাউন্টযোগে মুখ্যমন্ত্ৰীগৰাকীয়ে ঘোষণা কৰিছে এই কথা।
টুইটত মুখ্যমন্ত্ৰীগৰাকীয়ে লিখিছে, আপোনালোকক জনাবলৈ পাই সুখী হৈছোঁ যে ৰাজ্যিক বিষয়া আৰু কৰ্মচাৰী তথা সৰ্বভাৰতীয় সেৱাৰ বিষয়াসকলৰ মৰগীয়া বানচ ৪ শতাংশ বৃদ্ধি কৰা হৈছে ৷ ২০২২ বৰ্ষৰ পহিলা জুলাইৰ পৰা এই বৃদ্ধি কাৰ্যকৰী হ’ব আৰু চলিত মাহৰ দৰমহাৰ সৈতে বিষয়া-কৰ্মচাৰীসকলে এই বৃদ্ধি হোৱা মৰগীয়া বানচ লাভ কৰিব৷ আশা কৰোঁ ইয়ে উৎসৱৰ এই সময়খিনি অধিক আনন্দমধুৰ কৰি তুলিব৷ ৰাজ্যবাসীলৈ পোহৰৰ উৎসৱ দীপান্বিতা তথা কালী পূজাৰ আন্তৰিক শুভেচ্ছা জনালোঁ৷ চাকিৰ পোহৰত উদ্ভাসিত হওক জীৱনৰ ৰং, ঘৰে ঘৰে বিয়পি পৰক আনন্দ আৰু উৎসাহৰ বতৰা৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
