অসম লাইভ২৪ঃ ফ্ৰান্সৰ বিশ্ববিখ্যাত ভৱিষ্যতদ্ৰষ্টা নষ্ট্ৰাডামুছৰ প্ৰায়সমূহ ভৱিষ্যতবাণীয়েই সত্য প্ৰমাণিত হৈছে। ১৫৬৬ চনত মৃত্যুৰ পূৰ্বে নষ্ট্ৰাডামুছে ৬,৩৩৮ টা ভৱিষ্যতবাণী কৰি থৈ গৈছে। পৃথিৱী কেনেকৈ ধ্বংস হ’ব সেই সম্পৰ্কেও ভৱিষ্যতবাণী কৰি থৈ গৈছে নষ্ট্ৰাডামুছে। বিপ্লৱৰ পৰা আৰম্ভ কৰি যুদ্ধ পৰ্যন্ত সকলোবোৰৰেই ৰূপৰেখা তৈয়াৰ কৰি গৈছে নষ্ট্ৰাডামুছে। হিটলাৰৰ উত্থান, দ্বিতীয় বিশ্বযুদ্ধ, মাৰ্কিন যুক্তৰাষ্ট্ৰৰ ৱাৰ্ল্ড ট্ৰেড চেণ্টাৰত আক্ৰমণ, কৰ’না মহামাৰীৰো ভৱিষ্যতবাণী তেতিয়াই কৰি গৈছিল ভৱিষ্যতদ্ৰষ্টাগৰাকীয়ে। কেৱল এয়াই নহয় আগন্তুক ২০২৩ চনক লৈয়ো কেইবাটাও ভৱিষ্যতবাণী কৰি থৈ গৈছে তেওঁ। ২০২৩ক লৈ কৰা ভৱিষ্যতবাণী কেইটাক লৈ আজিও শংকিত হৈ আছে বিশ্ববাসী। কি কৈছিল নষ্ট্ৰাডামুছে?
যুদ্ধ হ’ব এইকেইখন দেশৰ মাজত!
নষ্ট্ৰাডামুছে কৈছিল, ‘সাত মাহ ধৰি যুদ্ধ হ’ব, এই যুদ্ধতেই বহু মানুহৰ মৃত্যু হ’ব।’ বহুতৰে দাবী যে নষ্ট্ৰাডামুছে তৃতীয় বিশ্বযুদ্ধৰ কথাকেই কৈ গৈছে। ৰাছিয়া আৰু ইউক্ৰেইনৰ যুদ্ধই তৃতীয় বিশ্বযুদ্ধৰ ৰূপ ধাৰণ কৰিব বুলি বহুতেই ধাৰণা কৰিছে। একাংশৰ মতে ২০২৩ চনত চীন আৰু টাইৱানৰ মাজতো যুদ্ধৰ আশংকা আছে। যি যুদ্ধই ভয়াৱহৰূপ ল’ব। চীনে টাইৱান আক্ৰমণ কৰাৰ লগে লগেই মাৰ্কিন যুক্তৰাষ্ট্ৰই এই যুদ্ধত হস্তক্ষেপ কৰিব, এনেকৈয়ে এই যুদ্ধই বিশ্বযুদ্ধৰ ৰূপ ল’ব।
মঙলগ্ৰহত মানুহৰ বসতি সম্ভৱ হ’ব!
মঙল গ্ৰহক লৈয়ো ভৱিষ্যতবাণী কৰি গৈছে নষ্ট্ৰাডামুছে। তেওঁ কৈছিল, ‘মঙলগ্ৰহত মানুহৰ বসতিৰ সম্ভাৱনা আছে।’ নষ্ট্ৰাডামুছৰ এই ভৱিষ্যতবাণীও ২০২৩তেই পূৰণ হ’ব।২০২৩ত মঙলগ্ৰহত মানুহে বসতি স্থাপন কৰাৰ সম্ভাৱনা আছে। মঙলত যান পঠিয়াই পৰীক্ষা নিৰীক্ষা চলাই আছে প্ৰায়কেইটা মহাকাশ সংস্থাই।
আকাশৰ পৰা জুই পৰিব!
তেওঁ কৈছিল, ‘আচৰিত ধৰনেৰে আকাশত জুই লাগিব।’ বহুতেই এই সম্পৰ্কেও গৱেষণা চলাই কৈছে যে এই কথাৰ জৰিয়তে তেওঁ নতুন সভ্যতাৰ বাখ্যা দিছে। বহুতৰে মতে আকৌ নষ্ট্ৰাডামুছে ২০২৩ চনত পৃথিৱী ধ্বংস হোৱাৰ ইংগিত দিছিল। একাংশৰ মতে তেওঁ বিশ্বত নতুন সভ্যতাৰেই ইংগিত দিছিল। অৱশ্যে কি হ’ব আগন্তুক বৰ্ষত এয়া সময়তহে পৰিলক্ষিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
