অসম লাইভ২৪ঃ বলীউড তাৰকাসকলৰ আয়ৰ উৎস ছবি আৰু বিজ্ঞাপনেই বুলি বহুতেই ধাৰণা কৰে যদিও এই তাৰকাসকলৰ আছে অন্য ব্যৱসায়ো৷ মাটি-বাৰী ক্ৰয়-বিক্ৰয়েৰেও মোটা ধন লাভ কৰে এইসকল তাৰকাই৷ মুম্বাইৰ লগতে দেশৰ আগশাৰীৰ চহৰত আছে বহু তাৰকাৰেই বিলাসবহুল অট্টালিকা৷ সুযোগ বুজি বহুতেই এইসমূহ ভাড়াত দিয়ে নতুবা বিক্ৰীও কৰে৷
শেহতীয়াকৈ বান্দ্ৰাত থকা এটা বিলাসবহুল ফ্লেট বিক্ৰী কৰিছে অভিনেত্ৰী সোনম কাপুৰে৷ প্ৰায় ৩২.৫ কোটি টকাৰ সোনমে বিক্ৰী কৰিছে ফ্লেটটো৷ ২০২২ চনত মাতৃ হৈছে সোনম৷ লন্ডনৰ বাসিন্দা সোনমে সন্তান জন্মৰ পাছৰে পৰা কোনো এখন ছবিতেই কাম পোৱা নাই৷ আগন্তুক সময়তো কোনো ছবিৰ অফাৰ অহা নাই সোনমলৈ৷ যাৰ বাবে ফ্লেট বিক্ৰীৰ সিদ্ধান্ত লৈছে সোনমে বুলি জনাইছে সোনমৰ ঘনিষ্ঠ এক সূত্ৰই৷
উল্লেখ্য যে চিগনেছাৰ আইলেণ্ড নামৰ বহুমহলীয়া এটা এপাৰ্টমেণ্টৰ তৃতীয় মহলাত আছিল সোনমৰ ফ্লেট৷ সোনমৰ ফ্লেটটো ক্ৰয় কৰিছে এছএমএছ নামৰ এটি ইনফ্ৰাষ্টাৰ কোম্পানীয়ে৷ এই ফ্লেটটো ক্ৰয়ৰ বাবে কোম্পানীয়টোৱে আগধন হিচাপে দিছে ১.৯৫ কোটি টকা৷ ২০১৫ চনত সোনমে ক্ৰয় কৰিছিল ৫৩৩৫ বৰ্গ ফুটৰ এই ফ্লেটটো৷ ১৫ কোটি টকাত ক্ৰয় কৰা ফ্লেটটো দুগুণতকৈও অধিক দামত বিক্ৰী কৰিছে সোনমে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
