অসম লাইভ২৪ঃ ভাতৃৰ সৈতে কাজিয়াত লিপ্ত হৈ মোবাইল গিলি পেলালে এগৰাকী কিশোৰীয়ে। ঘটনাটো মধ্যপ্ৰদেশৰ ভিণ্ডে জিলাৰ। আৰক্ষী সূত্ৰই জনোৱা অনুসৰি ১৮ বছৰীয়া কিশোৰীগৰাকীৰ হাতত আছিল মোবাইল ফোনটো। কিন্তু তেওঁৰ ভাতৃয়ে প্ৰায় প্ৰতিসময়তে মোবাইলটো ব্যৱহাৰ কৰিব খুজি বায়েকক আমনি কৰিছিল। একাধিকবাৰ বায়েকে ফোনটো নল’বলৈ সঁকিয়াই দিয়া স্বত্ত্বেও সি কথা নুশুনাত বায়েকৰ খং উঠে। তাৰপাছতেই ভাতৃ আৰু কিশোৰীগৰাকীৰ মাজত কাজিয়াৰ সূত্ৰপাত। এই কাজিয়াই গৈ এনে এটা পৰ্যায় পাবগৈ বুলি পৰিয়ালৰ লোকেও হয়তো কল্পনা কৰা নাছিল। মোবাইলো হঠাতেই নোহোৱা হোৱাত পৰিয়ালৰ লোকে ভাৱিছিল যে কিশোৰীগৰাকীয়ে ফোনটো কৰোবাত লুকুৱাই থৈছে।
ক’তো ফোনটো বিচাৰি নাপায় অৱশেষত পৰিয়ালৰ লোকে কিশোৰীগৰাকীক প্ৰশ্ন কৰাত মোবাইটো গিলি দিয়া বুলি মন্তব্য কৰে। ইপিনে কিশোৰীগৰাকী কিছু অসুস্তও হৈ পৰিছিল। পেটৰ অসহ্য যন্ত্ৰণাও আৰম্ভ হৈছিল। লগে লগেই পৰিয়ালৰ লোকে হাস্পতালত ভৰ্তী কৰোৱাৰ পাছতেই সকলো অবাক হৈ পৰে। কিশোৰীগৰাকীৰ পাকস্থলীত মোবাইল ফোনটো লাগি ধৰাৰ বাবেই অসহ্য বিষ হোৱা বুলি চিকিৎসকে জনায়। ফোনটো ওলিয়াবৰ বাবে দুঘণ্টা জোৰা এক জটিল অস্ত্ৰোপছাৰ কৰে চিকিৎসকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
