অসম লাইভ২৪ঃ অনিয়ন্ত্ৰিত জীৱন, অস্বাস্থ্যকৰ খাদ্যভাষ, কৰ্মব্যস্ততাৰ কাৰণে শৰীৰৰ যত্ন বহুতেই ভালধৰণে নলয়। অতিৰিক্ত মদ্যপানো আধুনিক জীৱনধাৰাৰ এক সংগী হৈ পৰিছে। ইয়াৰ ফলতেই একাংশৰ মূল সমস্যা হৈ পৰিছে ফেটি লিভাৰ বা লিভাৰ চিৰোছিচৰ দৰে ৰোগ। বেছিভাগৰ ক্ষেত্ৰতেই এই ৰোগ নিজৰ বদভ্যাসৰ বাবেই হয়। ক’ম তেলমছলা খোৱা, বাহিৰৰ খাদ্য কমাই খোৱা, মদ এৰি দিয়া এই অভ্যাসসমূহ লিভাৰক ভালে ৰখাৰ প্ৰধান উপায়। শৰীৰ ভালে ৰাখিবলৈ কি কি খাদ্য দৈনিক খাব লাগে? কোনবোৰ খাদ্য স্বাস্থ্যৰ বাবে উপকাৰী?
গৰমৰ দিনত শৰীৰৰ আদ্ৰতা ধৰি ৰাখিবলৈ নেমু খোৱাৰ অভ্যাস গঢ়ি তুলিব পাৰে। লিভাৰ সুস্থ ৰাখিবলৈ নিয়মিত খাদ্য তালিকাত নেমু ৰাখিব লাগে। ইয়াৰোপৰি কেইবিধমান প্ৰধান খাদ্য হৈছে
আঙুৰ
আঙুৰত প্ৰচুৰ মাত্ৰাত ভিটামিন চি আৰু এণ্টি অক্সিডেণ্ট থাকে। এই উপাদানসমূহে লিভাৰৰ পৰা টক্সিনজাতীয় পদাৰ্থ বাহিৰ কৰাত সহায় কৰে। লিভাৰ সংক্ৰমণৰ মাত্ৰাও কমায়।
চজিনা খাব পাৰে
ৰোগ প্ৰতিৰোধ ক্ষমতা বঢ়াবলৈ চজিনা খাব পাৰে। চজিনাই হজম শক্তি বঢ়ায়। বিভিন্ন গৱেষণাত পোৱা গৈছে যে চজিনাই লিভাৰ ফাইব্ৰোচিছ ৰোগৰ সম্ভাৱনা কমায়।
দৈ
দৈ’ত প্ৰবায়টিক থাকে। বিভিন্ন গৱেষণাত দেখা গৈছে যে লিভাৰত জমা হৈ থকা ফেট গলাবলৈ দৈয়ে সহায় কৰে। গৰমৰ দিনত খাদ্যতালিকাত দৈ ৰাখিলে হজম ক্ষমতা বাঢ়ে। পেটো পৰিষ্কাৰ কৰে।
গ্ৰীণ টি
মেদবহুলতা কমাবলৈ গ্ৰীণ টিৰ ওপৰত বহুতেই ভৰষা ৰাখে। গ্রীণ টিত এণ্টি অক্সিডেণ্ট থাকে। যিয়ে লিভাৰত চাৰিওফালে মেদ জমা হোৱাৰ পৰা ৰক্ষা কৰে। লিভাৰ সুস্থ ৰাখিবলৈ দৈনিক গ্ৰীণ টি খাব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
