অসম লাইভ২৪ঃ হাজো ৰামদিয়াৰ মেধাবী ছাত্ৰ নিখিলেশ দত্তই অব্যাহত ৰাখিলে সফলতাৰ ধাৰা। ৰামদিয়া শংকৰদেৱ শিশু নিকেতনৰ পৰা ২০২১ বৰ্ষৰ হাইস্কুল শিক্ষান্ত পৰীক্ষাত অষ্টম স্থান লাভ কৰা নিখিলেশ দত্তই আজি প্ৰকাশ কৰা উচ্চতৰ মাধ্যমিক পৰীক্ষাৰ বিজ্ঞান শাখাত দখল কৰিলে শীৰ্ষস্থান। নগাঁৱৰ ৰামানুজন হায়াৰছেকেণ্ডাৰীত অধ্যয়ন কৰিছিল নিখিলেশ দত্তই। সৰুৰে পৰা পঢ়া-শুনাত অত্যন্ত মেধাবী নিখিলেশে নিয়মিতভাৱে নিজৰ অধ্যয়ন কৰি গৈছিল। নগাঁৱৰ ভাড়াঘৰত থাকি পঢ়া শুনা কৰা নিখিলেশ দত্তৰ এই ফলাফলক লৈ গৌৱৰবোধ কৰিছে ৰামানুজন হায়াৰ ছেকেণ্ডাৰীৰ সমূহ শিক্ষক-শিক্ষয়িত্ৰীৰ লগতে পিতৃ-মাতৃ আৰু আত্মীয়ই। ভৱিষ্যতে এগৰাকী চিকিৎসক হোৱাৰ সপোন নিখিলেশ দত্তৰ৷ পুত্ৰৰ এই সফলতাৰ পিছতে এতিয়া আৱেগিক হৈ পৰিছে মাতৃ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
