অসম লাইভ২৪ঃ চলিত বছৰৰ জানুৱাৰী মাহত ঘোষণা কৰিছিল, মাতৃ হ’বলৈ ওলাইছে অভিনেত্ৰী দীপিকা কক্কৰে। সহ অভিনেতা ছোৱেইব ইব্ৰাহিমৰ সৈতে ২০১৮চনত সংসাৰৰ পাতনি মেলিছিল দীপিকাই। দীপিকা হিন্দু আনহাতে ছোৱেইব মুছলমান। ধৰ্ম সলনি কৰি দীপিকাই ছোৱেইবৰ সৈতে বিবাহপাশত আৱদ্ধ হৈছিল। বিবাহৰ ৫বছৰ পাছত দীপিকা-ছোৱেইবৰ মাজত আহিছে এটি কণমানি। সময়ৰ পূৰ্বেই ভূমিষ্ঠ হৈছে দীপিকা-ছোৱেইবৰ সন্তান। জুলাইত জন্ম হ’ব বুলি চিকিৎসকে জনোৱাৰ কথা দীপিকাই নিজেই ব্লগত কৈছিল যদিও জুনতেই এটি সন্তানৰ মাতৃ হ’ল দীপিকা।
দীপিকা-ছোৱেইবৰ মাজলৈ আহিছে এটি পুত্ৰ সন্তানষ। ছোৱেইবে এই খবৰ শ্বেয়াৰ কৰি লিখিছে, ‘আলহামদুল্লিহা, ২১ জুনৰ দুপৰীয়াই আমাৰ সন্তানে পৃথিৱীৰ পোহৰ দেখিলে। যদিও সময়ৰ পূৰ্বেই আমাৰ সন্তান পৃথিৱীলৈ আহিল সি কিন্তু সম্পূৰ্ণ সুস্থ। দীপিকাও সম্পূৰ্ণ সুস্থ। আপোনালোকে মাতৃ-পুত্ৰ দুয়োকে আশীৰ্বাদ কৰিব।’
চলিত বছৰৰ ২২ জানুৱাৰীত দীপিকাই এই সুখবৰটো ভগাই লৈছিল। তেওঁ ছচিয়েল মিডিয়াত লিখিছিল, ‘ডেড টু বি আৰু মম টু বি’। বিবাহৰ পাছতেই নিজা ধৰ্ম সলনি কৰাৰ বাবে বহুতেই দীপিকাক সমালোচনা কৰিছিল। বৰ্তমান অভিনয় ক্ষেত্ৰৰ পৰা প্ৰায় আঁতৰি অহা দীপিকাই এগৰাকী ইউটিউবাৰ হিচাপে নিজা জনপ্ৰিয়তা কিন্তু অটুত ৰাখিবলৈ সক্ষম হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
