অসম লাইভ২৪ঃ বাস্তু শাস্ত্ৰ অনুসৰি ৰান্ধনিশাল বা অত্যাধুনিক ভাষাত কিচ্ছেনেই ঘৰৰ শক্তিৰ মূল উৎস। পৰিয়ালৰ লোকসকলৰ সুখ, শান্তি, আনন্দ, স্বাস্থ্য সকলোখিনি ৰান্ধনীশালৰ ওপৰতেই নিৰ্ভৰশীল। সেয়ে বাস্তু শাস্ত্ৰত ৰান্ধনীশালৰ নিৰ্মাণ আৰু সাজসজ্জাৰ ওপৰত বিশেষ নজৰ দিব বুলি পৰামৰ্শ দিয়া হৈছে। বাস্তু অনুসৰি ৰান্ধনীশালত অকণমান সৰু ভুল কৰিলেই সুখ আৰু সমৃদ্ধিৰ পথত বাধা আহিব পাৰে। ইয়াৰোপৰি পৰিয়ালৰ শান্তিও ভংগ হ’ব পাৰে। কিন্তু ৰান্ধনীশালত কিছু শুভ বস্তু ৰাখিলে ইতিবাচক শক্তি সঞ্চাৰিত হয় আৰু তাৰ প্ৰভাৱে পৰিয়াললৈ উন্নতি আনিব। ৰান্ধনীঘৰত কি কি সামগ্ৰী থকাটো শুভ, আৰু ৰান্ধনীঘৰত কি কি বস্তু থাকিলে দোষ লাগে জানি থওক সবিশেষ কাৰণ।
হালধি ৰান্ধনীঘৰত ৰাখিবই
বাস্তু শাস্ত্ৰ অনুসৰি ৰান্ধনীঘৰৰ বাবে হালধি অত্যন্ত শুভ। হিন্দু ধৰ্মত হালধীৰ ধৰ্মীয় মাহাত্ম্য আছে। পূজা, অৰ্চনাতো হালধি ব্যৱহাৰ কৰা হয়। ইয়াৰোপৰি অৰ্থ আৰু সম্পদৰ কাৰক গ্ৰহ বৃহস্পতি আৰু সৃষ্টিক পৰিচালক বিষ্ণুৰ পুজাত হালধি ব্যৱহাৰ কৰা হয়। ৰান্ধনীশালত সকলো সময়তে হালধি ৰাখিবই। এদিনৰ বাবেও যাতে হালধি খালী নহয় সেই ক্ষেত্ৰত নজৰ ৰাখিব।
হালধি ৰাখিলে কি কি লাভ?
ৰান্ধনীশালত হালধি ৰাখিলে অৰ্থ আগমণৰ দ্বাৰ উন্মুক্ত হয়। সেয়ে বাস্তু শাস্ত্ৰত ৰান্ধনীশালত হালধি ৰখাৰ পৰামৰ্শ দিয়া হৈছে।
ইয়াৰোপৰি ৰান্ধনীশালত আৰু কি কি ৰাখিলে শুভ?
ধাতুৰ বাচন
হালধীৰ ওপৰিও ৰান্ধনীশালত পিতল আৰু কাঁহৰ বাচন ৰাখিলে শুভ। এই ধাতুৰ বাচন ৰান্ধনীশালত ৰখাৰ ওপৰিও এই বাচনত খাদ্য খালে স্বাস্থ্যৰ পক্ষেও শুভ। বাস্তু অনুসৰি ৰান্ধনীশালত পশ্চিম দিশত কাঁহ পিতলৰ বাচন ৰখা উচিত।
বৈদ্যুতিন উপকৰণ ৰাখিব
ৰান্ধনীশালৰ পূবদিশত বৈদ্যুতিন উপকৰণ ৰখা উচিত। ইয়াৰ ফলত বাস্তু দোষ থাকিলে মুক্তি পোৱা যায়।
এই গছো ৰাখিব পাৰে
ৰান্ধনীশালত এলোভেৰা আৰু তুলসী গছ ৰখাটো অত্যন্ত শুভ। ইয়াৰ ফলত আৰ্থিক পৰিস্থিতি মজবুত হয়। ৰান্ধনীশালত বাস্তু দোষ দূৰ কৰাৰ উপায় আজিকালি বহুতেই মানি চলিব নোৱাৰে। কাৰণ ভাড়াঘৰতেই আজিকালি বহুসংখ্যক মানুহ থাকে। এই পৰিস্থিতিত ৰান্ধনীশালত কিছু বাস্তু দোষ দেখা যায়। আপোনাৰ ৰান্ধনীশালত কিছু বাস্তু দোষ থাকিলে কি কি উপায়েৰে মুক্তি পাব জানি থওক।
ৰান্ধনীশালৰ গেছ বা অভেন সকলোবোৰ পূব দিশত ৰাখিব। ইয়াৰ ফলত সুস্বাস্থ্য বৰ্তি থকাৰ ওপৰিও হাতলৈ ধন আহিব।
পানী ঈশান কোনত ৰাখিলে শুভ। উত্তৰ-পশ্চিম দিশত ছিংক ৰাখিলে শুভ ফল পোৱা যায়।
মছলাৰ পাত্ৰ, বাচন, চাউল, দাইল, আটা ইত্যাদি দক্ষিণ বা দক্ষিণ-পশ্চিম দিশত ৰাখিব।
নৈঋত কোণত খালী চিলিণ্ডাৰ আৰু দক্ষিণ দিশত ব্যৱহাৰ যোগ্য চিলিণ্ডাৰ ৰাখিব।
ৰান্ধনীঘৰত দিয়া ৰঙো পাতল ৰঙৰ হ’ব লাগে। এই ক্ষেত্ৰত পাতল ক্ৰিম বা কমলা ৰঙৰ ৰং দিব পাৰে। ৰান্ধনীশালত ক’লা আৰু নীলা ৰং ব্যৱহাৰ কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
