হোলী বিশেষ ব্যঞ্জন, কম সামগ্ৰী-কম সময়-কম কষ্টৰে প্ৰস্তুত কৰক এই ব্যঞ্জন, শলাগ লওক অতিথিৰ
হোলী সমাগত, ২৫ তাৰিখে এই বৰ্ষৰ হোলী উদযাপনৰ বাবে সাজু দেশবাসী। মাজত আৰু মাথো দুটামান দিন বাকি। তেনে অৱস্থাত সাজু হৈছে সকলো।
বাটে-ঘাটে, দোকানে পোহাৰেও সমাগম হৈছে বিভিন্ন ফাকুৰ। কামৰ মাজতে দেশৰ জনতাই প্ৰস্তুতি চলাইছে হোলীৰ বাবে।
পাছে হোলী খেলাৰ লগতে আৰু কিদৰে উদযাপন কৰিব এই বিশেষ দিনটো। তাতে আৰু যদি হঠাতে নোকোৱাকৈ আলহী উপস্থিত হয় আপোনাৰ ঘৰত। তেন্তে কিদৰে আৰু কেনেকৈ অতি সহজতে আৰু কম সময়তে আপ্যায়ন কৰিব অতিথিক।
চচ পিঠা- অতি সহজতে আৰু কম সময়তে প্ৰস্তুত কৰিব পাৰিব এই পিঠা। ইয়াৰ বাবে প্ৰয়োজন হ’ব কেৱল চাউলৰ গুড়ি, আটা, চেনি, গাখীৰ আৰু বিস্কুটৰ গুড়ি। একাপ চাউলৰ গুড়ি, আধা কাপ আটা, আধা কাপ বিস্কুটৰ গুৰি, আধা কাপৰো আধা চেনি আৰু প্ৰয়োজন অনুসাৰে গাখীৰ একেলগে মিহলি কৰি এটা পিউৰি বনাই ল’ব। তাৰ পাছত এটা কেৰাহীত বা চচ এটা সামান্য তেল সানি মিক্সাৰ খিনি দি গেছত বহাই দি ১০-১৫ মিনিটৰ পাছতে লাভ কৰক পিঠা।
আঙুলি পিঠা- ইয়াৰ বাবে প্ৰয়োজন হ’ব কেৱল গাখীৰ, চাউলৰ গুৰি, আৰু চেনি। গৰম পানীৰে চাউলৰ গুড়ি খিনি আটা মৰাৰ দৰে মাৰি আঙুলিৰ দৰে বা তাতোকৈ সৰু সৰু আকাৰ দি লৈ গাখীৰত চেনি দি পগাই সেই আঙুলি পিঠা বোৰ দি সিজাই সহজে লাভ কৰক এই পিঠা।
মালপোৱা- অতি সহজ আৰু প্ৰায় সকলো লোকেই বনাব পৰা ব্যঞ্জনবিধেই হৈছে মালপোৱা। কেৱল আপুনি ইয়াক কিছু বেলেগ ধৰণে পৰিৱেশন কৰিব পাৰে। মিঠা মালপোৱা বনাই তাৰ লগত পগাই লোৱা গাখীৰ দি পৰিৱেশন কৰিলে দেখাতো ভাল দেখিব, খাইয়ো ভাল পাব আলহীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
