উচ্চ ন্যায়ালয়ৰ ডাঙৰ সিদ্ধান্ত, ২০১০ৰ পাছৰ সকলো অবিচি প্ৰমাণ পত্ৰ খাৰিজ
২০১০ৰ পাছৰ অ বি চি প্ৰমাণ পত্ৰ বনোৱা সকললৈ এক মোক্ষম আঘাত উচ্চতম ন্যায়ালয়ৰ। খাৰিজ হ’ব লাখ লাখ প্ৰমাণপত্ৰ। কোনো কামতে ব্যৱহাৰ কৰিব নোৱাৰিব এই জাতিগত প্ৰমাণপত্ৰ। অৱশ্যে এই মোক্ষম আঘাত হানিছে পশ্চিম বংগত। ৰাজ্যখনৰ উচ্চ ন্যায়ালয়ে আজি ২২ মে’ বুধবাৰে সদৰি কৰে এই জাননি।
পশ্চিম বংগৰ শাসকীয় তৃণমূল কংগ্ৰেছে বুধবাৰে কলিকতা উচ্চ ন্যায়ালয়ৰ পৰা লাভ কৰে এই আঘাত। তৃণমূল চৰকাৰে প্ৰদান কৰা ৰাজ্যৰ সকলো অ’বিচি প্ৰমাণ পত্ৰ উচ্চ ন্যায়ালয়ে বাতিল কৰিছে। বুধবাৰে কলিকতা উচ্চ ন্যায়ালয়ে কয় যে ৰায়দানৰ পিছত বাতিল কৰা প্ৰমাণ পত্ৰ কোনো নিয়োগ প্ৰক্ৰিয়াত ব্যৱহাৰ কৰিব নোৱাৰিব।
উচ্চ ন্যায়ালয়ৰ এই নিৰ্দেশৰ ফলত প্ৰায় পাঁচ লাখ অ’বিচিৰ প্ৰমাণ পত্ৰ বাতিল কৰা হয়। অৱশ্যে উচ্চ ন্যায়ালয়ে লগতে কয় যে এই প্ৰমাণ পত্ৰৰ ব্যৱহাৰকাৰীসকল যিসকলে ইতিমধ্যে সুযোগ পাইছে, তেওঁলোকৰ এই সিদ্ধান্তৰ কোনো প্ৰভাৱ নপৰে।
ন্যায়ালয়ৰ ফালৰ পৰা জনোৱা অনুসৰি, ২০১০ চনৰ পিছত প্ৰদান কৰা সকলো অ’বিচি প্ৰমাণপত্ৰ বাতিল কৰা হ’ব। উল্লেখ্য যে, ২০১১ চনৰ পৰাই ৰাজ্যখনত তৃণমূল কংগ্ৰেছৰ ক্ষমতা আছে। ফলত আদালতৰ নিৰ্দেশ কেৱল তৃণমূলৰ সময়ত জাৰি কৰা অ’বিচি প্ৰমাণপত্ৰৰ ওপৰতহে কাৰ্যকৰী হ’ব।
বুধবাৰৰ শুনানিৰ শেষত কলিকতা উচ্চ ন্যায়ালয়ে স্পষ্ট কৰি দিলে যে তৃণমূল কংগ্ৰেছৰ শাসনকালত জাৰি কৰা সকলো অ’বিচিৰ তালিকা বাতিল কৰা হৈছে। অ’বিচি পশ্চিম বংগ পিছপৰা শ্ৰেণী আয়োগ আইন ১৯৯৩ অনুসৰি এখন নতুন তালিকা প্ৰস্তুত কৰিব লাগিব। তাৰ পিছত তালিকাখন চূড়ান্ত অনুমোদনৰ বাবে বিধানসভাৰ ওচৰত দাখিল কৰা হয়। তেতিয়াহে এই তালিকাখন চূড়ান্ত বুলি গণ্য কৰা হ’ব।
কলিকতা উচ্চ ন্যায়ালয়ে কয় যে ২০১০ চনৰ পিছত বনোৱা সকলো অ’বিচি প্ৰমাণপত্ৰ আইন অনুসৰি সঠিকভাৱে নিৰ্মাণ কৰা হোৱা নাই। গতিকে সেই প্ৰমাণ পত্ৰ বাতিল কৰিব লাগে, কিন্তু একে সময়তে উচ্চ ন্যায়ালয়ে কৈছে যে যিসকল লোকে ইতিমধ্যে এই প্ৰমাণ পত্ৰৰ জৰিয়তে চাকৰি পাইছে বা চাকৰি লাভৰ প্ৰক্ৰিয়াত আছে তেওঁলোকৰ ওপৰত এই নিৰ্দেশৰ কোনো প্ৰভাৱ নপৰে। আন মানুহে আৰু সেই প্ৰমাণপত্ৰ নিয়োগ প্ৰক্ৰিয়াত ব্যৱহাৰ কৰিব নোৱাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
