সমুখেৰে পাৰ হ’ব লওতেই পুৰণি বান্ধৱী কংগনাক মাত লগালে চিৰাগে, ইটোৱে-সিটোক ধৰিলে সাৱটি
বৰ্তমানে ৰাজনীতিত যুৱ নেতা হিচাপে এক চৰ্চিত নাম। পাছে এটা সময়ত বলীউডত অভিনেতা হিচাপে কাম কৰিছিল। জীৱনৰ প্ৰথমখন ছবিতেই সেই অভিনেতাৰ সৈতে আছিল কংগনা ৰানাৱত। সেই অভিনেতাগৰাকী হৈছে চিৰাগ পাছৱান। চিৰাগে বহু পূৰ্বেই অভিনয় এৰি ৰাজনীতিত ভৰি দি বহু সফলতা লাভ কৰে।
আনহাতে বলীউডৰ কুইন খ্যাত কংগনাইয়ো এইবাৰ প্ৰথমবাৰৰ বাবে ৰাজনীতিলৈ আহিয়ে সফলতা লাভ কৰে। হিমাচল প্ৰদেশৰ মাণ্ডী জিলাৰ পৰা বিজেপিৰ সাংসদ হিচাপে নিৰ্বাচিত হয় অভিনেত্ৰীগৰাকী।
আজিৰ এন ডি এ গোটৰ অনুষ্ঠিত হোৱা বিশেষ বৈঠকত দুয়োগৰাকী পুৰণী বন্ধু দেখা দেখি হয়। চিৰাগৰ সমুখেৰে পাৰ হব লওতেই কংগনাত মাত লগাই চিৰাগে। লগে লগে দুয়ো হাঁহিৰে সম্ভাষণ জনাই আৰু ইটোৱে সিটোক সাৱটি ধৰে।
উল্লেখ্য যে, চিৰাগ পাছৱান লোক জনশক্তি পাৰ্টিৰ মুৰব্বী তথা হাজীপুৰ লোকসভাৰ আসনৰ সাংসদ। অভিনয়ৰ কথা কবলৈ গলে চিৰাগ পাছৱানে মাত্ৰ এখন ছবিহে কৰিছিল আৰু এইখনেই আছিল তেওঁৰ প্ৰথম ছবি। এই ছবিখনত চিৰাগ পাছৱানৰ বিপৰীতে আছিল সেই সময়ত বলীউড উদ্যোগত নৱাগত হিচাপে প্ৰৱেশ কৰা কংগনা ৰানাৱত। ছবিখনৰ নাম আছিল ‘মিলে না মিলে হম…’ কংগনা আৰু চিৰাগৰ উপৰিও পুনম ধিলন, সাগৰিকা ঘাটগে, কবীৰ বেদী, নীৰু বাজৱা, দলিপ তাহিল, সুৰেশ মেনন, কুনাল কুমাৰেও এই ছবিখনত বিভিন্ন চৰিত্ৰত অভিনয় কৰিছিল।
https://x.com/ANI/status/1798970670141120847
ভাৰতীয় জনতা পাৰ্টিৰ প্ৰাৰ্থী কংগনা ৰানাৱটে মণ্ডী লোকসভাৰ আসনত ৫ লাখ ৩৭ হাজাৰ ২২ টা ভোট লাভ কৰিছিল। আনহাতে কংগ্ৰেছ প্ৰাৰ্থী বিক্ৰমাদিত্য সিঙে ৪ লাখ ৬২ হাজাৰ ২৬৭ টা ভোট লাভ কৰে। প্ৰায় ৭৫ হাজাৰ ভোটত কংগনাই মণ্ডী লোকসভাৰ আসনত জয়লাভ কৰে। আনহাতে চিৰাগ পাছৱানে বিহাৰৰ হাজীপুৰ লোকসভা আসনৰ পৰা ৬ লাখ ১৫ হাজাৰ ৭১৮ টা ভোট লাভ কৰে। আনহাতে ৰাষ্ট্ৰীয় জনতা দলৰ প্ৰাৰ্থী শিৱচন্দ্ৰ ৰামে লাভ কৰে ৪ লাখ ৪৫ হাজাৰ ৬১৩ টা ভোট। চিৰাগ পাছৱানে হাজীপুৰ লোকসভাৰ আসনত এক লাখ ৭০ হাজাৰৰো অধিক ভোটত জয়লাভ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
